EDU.DIGITAL.UZ

❗️“ICTWEEK UZBEKISTAN 2026” boshlanishiga 1 kun qoldi!
 
Mamlakatimizning axborot-kommunikatsiya texnologiyalari sohasidagi eng kutilgan va yirik tadbiri — “ICTWEEK UZBEKISTAN 2026” AKT haftaligi boshlanishiga bor-yo‘g‘i 1 kun qoldi!

📌Yigirma ikki yil davomida ushbu nufuzli tadbir milliy va xalqaro miqyosda raqamli transformatsiya, yangi AT-tashabbuslar hamda innovatsion yechimlarni muhokama qilishning asosiy muloqot maydoniga aylanib ulgurdi.

🔠Ertaga yurtimiz hamda dunyoning turli burchaklaridan tashrif buyurgan yetakchi AT-kompaniyalar vakillari, investorlar, startaplar, davlat tashkilotlari mutasaddilari va soha mutaxassislari bir maydonda jam bo‘lishadi.
 
❓Haftalik dasturidan nimalar o‘rin olgan?

➖Xalqaro forumlar, B2B uchrashuvlar va strategik davra suhbatlari;
➖Sun’iy intellekt, raqamli hukumat, fintex va yangi loyihalar taqdimoti;
➖ICT Expo — zamonaviy ishlanmalar, mahsulot va xizmatlar namoyish etiladigan keng ko‘lamli ko‘rgazma.

Ro‘yxatdan o‘tishga ulguring!

🟣Tadbirda ishtirok etish va ko‘rgazmaga tashrif buyurish uchun oldindan ro‘yxatdan o‘tish tavsiya etiladi. Ro‘yxatdan o‘tish mutlaqo bepul bo‘lib, rasmiy veb-sayt orqali bir necha daqiqada amalga oshiriladi:
 
🔗 Ro‘yxatdan o‘tish havolasi

🚌 Tashrif buyuruvchilar uchun maxsus bepul avtobus (shatl) yo‘nalishlari yo‘lga qo‘yildi.
 
Ishtirokchilar va mehmonlarga qulay sharoit yaratish maqsadida tadbir o‘tkaziladigan asosiy ko‘rgazma majmuasigacha maxsus bepul avtobus qatnovlari tashkil etildi:

Shahar → CAEx

birinchi avtobus — soat 08:00 da;
keyingi avtobuslar — har soatda;
so‘nggi avtobus — soat 17:00 da.

CAEx → shahar

so‘nggi avtobus — soat 18:00 da harakatlanadi.

➡️ Shahardagi avtobuslarning jo‘nash nuqtalari:

➖IT Park majmuasi / Raqamli texnologiyalar vazirligi binosi;

➖“O‘zbekiston” mehmonxonasi;

➖Janubiy vokzal;

➖“Buyuk Ipak Yo‘li” metro bekati / Dog‘iston ko‘chasi.
 
😉Tarixga va muvaffaqiyatlarga boy bo‘lgan 22 yillik yo‘lning yangi bosqichida biz bilan bo‘ling! Ertaga “ICTWEEK UZBEKISTAN 2026” maydonlarida ko‘rishguncha!

⏩ Dastur

Telegram | Facebook | Instagram | Youtube | LinkedIn | X

Asia Alliance Bank xodimlarining sun’iy intellekt bo‘yicha bilim va ko‘nikmalari oshirildi

✅Davlat rahbari tomonidan bank tizimiga sun’iy intellekt texnologiyalarini keng joriy etish hamda soha mutaxassislarining ushbu yo‘nalishdagi bilim va ko‘nikmalarini oshirish vazifasi belgilangan.

✅Mazkur vazifa ijrosi doirasida Asia Alliance Bankning 40 nafar xodimi uchun sun’iy intellekt texnologiyalaridan samarali foydalanish bo‘yicha malaka oshirish kurslari tashkil etildi.

✅Ma’lumot uchun, avvalroq Markaziy bankning 150 nafar xodimi, shuningdek, davlat tijorat banklarining 1033 nafar rahbar va mas’ul xodimlari sun’iy intellekt texnologiyalaridan foydalanish bo‘yicha malaka oshirish kurslarini muvaffaqiyatli tamomlagan edi.

🌐Sayt 🚀Telegram 🔵Facebook
📷 Instagram 🎬YouTube 🎰Linkedin

“Muhammad al-Xorazmiy vorislari” loyihasi o‘quvchilari National AI Hackathon sovrindorlari

📖Xorazm viloyatida o‘tkazilgan National AI Hackathon doirasida yoshlar o‘z innovatsion g‘oyalarini ishlab chiqib, jamoaviy ishlash, mentorlar bilan tajriba almashish hamda loyihalarni yanada takomillashtirish imkoniyatiga ega bo‘ldi.

✅Tanlovning final bosqichida “Muhammad al-Xorazmiy vorislari” loyihasining Xiva shahri, Xiva va Shovot tumanlaridan qatnashgan yoshlar o‘z loyihalarini muvaffaqiyatli himoya qilib, faxrli o‘rinlarni egalladi.

🥇Tadbirkorlik yo‘nalishida 1-o‘rin — TriCorp jamoasi (Shovot tumani)
Jamoa a’zolari:
Otaxonov Mirkamol;
Jumanazarov Asadbek;
Nodirbekov Amirbek.

🥉Tibbiyot yo‘nalishida 3-o‘rin — 100x Devs jamoasi (Xiva shahri)
Jamoa a’zolari:
Axmedov Abbosbek;
Ruzmetova Oymonjon;
Odilbekova Ruxsora;
Matkarimov Islombek.

🥉Ta’lim yo‘nalishida 3-o‘rin — TadbirkorAI jamoasi (Xiva tumani)
Jamoa a’zolari:
Bobonazarov Jasurbek;
Meyliboy Meyliboyev;
Asadbek Rajabboyev;
Akbar Mukhammadsolayev.

✅“Muhammad al-Xorazmiy vorislari” loyihasi ishtirokchilarining ushbu yutuqlari loyiha doirasida egallagan bilim va ko‘nikmalarining amaliy samarasi, izchil ta’lim hamda qo‘llab-quvvatlash natijasi demakdir.

🎉Barcha g‘olib va sovrindorlarni ushbu munosib natija bilan samimiy muborakbod etamiz!

#Al_Xorazmiy_vorislari
🚀Telegram |📷 Instagram

🌟 Respublika bo‘ylab “Muhammad al-Xorazmiy vorislari” loyihasi doirasida saralash imtihonlari o‘tkazildi

🔘 Bugun, 20-sentabr kuni Xorazm viloyatining barcha tuman va shaharlarida, shuningdek, Andijon, Buxoro, Qarshi, Navoiy, Namangan, Samarqand, Termiz, Nurafshon, Farg‘ona, Guliston shaharlari hamda Mirzacho‘l, Zomin tumanlarida 18 mingdan ziyod o‘quvchi-yosh “Muhammad al-Xorazmiy vorislari” loyihasi doirasida tahsil olish uchun saralash imtihonlarida ishtirok etdi.

✅Saralash imtihonlarida yoshlarning mantiqiy fikrlash, AT va ingliz tili bo‘yicha bilimlari sinovdan o‘tkazildi. Eng yuqori natija ko‘rsatgan o‘quvchilar loyiha ishtirokchisiga aylanib, zamonaviy AT yo‘nalishlari va xorijiy tillarni chuqur o‘rganish imkoniyatiga ega bo‘ladi.

✅“Muhammad al-Xorazmiy vorislari” loyihasi yosh avlodning aniq fanlar va axborot texnologiyalariga bo‘lgan qiziqishini yanada oshirish, iste’dodli o‘quvchilarni erta aniqlash hamda ularning intellektual salohiyatini ro‘yobga chiqarishga xizmat qilmoqda.

⚡️Taʼkidlash joizki, bugun o‘z bilimini sinovdan o‘tkazgan minglab yoshlar ertangi kunning dasturchi-muhandislari va texnologik taraqqiyot peshqadamlari bo‘lib yetishadi.

⏺Saralash imtihonlari natijasi 5 kun davomida eʼlon qilinadi. So‘ngi yangiliklardan xabardor bo‘lib turish uchun ushbu kanalni kuzatib boring!

Telegram | Facebook | Instagram | Youtube | LinkedIn | X

Sun’iy intellektning ta’lim va bandlikka tahdidlari forumiga tashrif buyuring hamda sovgʻalar yutib oling!

⚡️23-sentabr kuni ICTWEEK-2026 doirasida sun’iy intellektning ta’lim va mehnat bozoriga ta’siriga bag‘ishlangan forum bo‘lib o‘tadi.

✅Forumda xorijiy ekspertlar, yetakchi sun’iy intellekt mutaxassislari, startap asoschilari hamda soha vakillari ishtirok etadi.

🏆Bundan tashqari, forum doirasida ishtirokchilar uchun sovrinli o‘yinlar tashkil etilib, g‘oliblar homiylar tomonidan qimmatbaho sovg‘alar bilan taqdirlanadi.

🗺Manzil: CAEx Ko‘rgazmalar markazi;
⏰ Vaqt: 14:00-16:00.

🗣Quyidagi havola orqali forumda ishtirok etish uchun roʻyxatdan oʻting.

🌐Sayt 🚀Telegram 🔵Facebook
📷 Instagram 🎬YouTube 🎰Linkedin

📣 Xorazm viloyatida National AI Hackathon boshlandi!

Bugun Urganch shahridagi Ma’mun universitetida National AI Hackathonning Xorazm viloyat bosqichi rasman ochildi.

✔️ Ochilish marosimidan so‘ng ishtirokchilar jamoalarga birlashib, o‘z g‘oyalari ustida ishlashni boshladi. Zalda esa yangi tanishuvlar, qizg‘in muhokamalar va AI yordamida yangi yechimlar yaratishga bo‘lgan katta ishtiyoq hukm surmoqda.

To‘rt kun davomida ishtirokchilar mentorlar bilan birga ishlab, Xorazm viloyati va mamlakatdagi dolzarb muammolarga sun’iy intellekt asosida yechimlar ishlab chiqadi.

Dastur davomida workshoplar, mentorlik sessiyalari va amaliy mashg‘ulotlar ham o‘tkaziladi.

🏆 20-sentyabr kuni jamoalar o‘z loyihalarini finalda taqdim etadi va Xorazm viloyati bosqichining g‘oliblari aniqlanadi.

Bu — shunchaki hakaton emas. Bu Xorazm viloyati yoshlarining o‘z g‘oyalarini real loyihalarga aylantirish uchun bergan ilk qadamlaridan biri.

💯Telegram 😀LinkedIn 😀Instagram