Dev Farhod

Yuqorida aytganimdek, content ishlab chiqarish osonlashmoqda. Bu esa fikrning qadrini oshirmoqda. Internet sifatli, ammo umumiy content bilan to‘lib borar ekan, odamlar original fikr va original content’ni tobora ko‘proq qadrlay boshlaydi.

Bu yerdan bir xulosa qilish mumkin: AI ishni yo‘qotmayapti, uning tabiatini o‘zgartiryapti. Film yaratishda operatsion ishlar kamayib, rejalashtirish va qayta-qayta fine-tune qilish asosiy mehnatga aylandi.

Men anglagan yana bir narsa: juda arzonlashgan narsa, qanchalik qimmatli bo‘lmasin, qadrsizlashadi. Juda qimmat narsa esa, qanchalik oddiy bo‘lmasin, qadrli bo‘ladi.

🎬 The Cully Hill Boys: kino yaratish o‘zgaryapti

110 daqiqalik The Cully Hill Boys filmi generativ AI yordamida yaratilgan. Real aktyorlarning yuz va ovoziga asoslangan digital likeness'lar litsenziya asosida AI personajlariga aylantirilgan.

Film taxminan $2 mln budjet va 4 hafta ichida yaratilgani esa yanada qiziq.

🎥 Filmni YouTube da ko‘rish: https://www.youtube.com/watch?v=h_qQ0aKyXEA

🚀 Mojo 1.0 chiqdi

Mojo bu Modular tomonidan yaratilgan yangi dasturlash tili.

Eng qiziq tomoni, u Python ga o'xshash sintaksisni saqlagan holda, C++ va Rust kabi yuqori performance talab qilinadigan vazifalarni bajarishga mo'ljallangan.

Asosiy fokus esa AI va zamonaviy hardware: CPU, GPU va boshqa acceleratorlarda tez ishlaydigan kod yozish.

Qisqasi:

Python qulayligi + systems programming performance + AI uchun optimizatsiya.

Kecha Modular Mojo 1.0 ni rasman e'lon qildi. Endi ko'rish qiziq: Mojo haqiqatan ham AI development da Python ga jiddiy muqobilga aylana oladimi?

Modular ning Mojo 1.0 haqidagi maqolasi

Inson hissiy mavjudot. Biz robot emasmizki, kunning har bir daqiqasini rejalashtirib, hammasini rejadagidek bajara olsak. Ruhiy holatimiz ham doim bir xil emas.

«Lekin mas’uliyat-chi?» deysizmi?

Albatta, mas’uliyat kerak. Lekin calendar’ga amal qilishning o‘zi mas’uliyat emas. Mas’uliyat, qilinishi kerak bo‘lgan ishni qilish.

Shuning uchun hozir vazifalarimni ikki turga ajratyapman:
1. Takrorlanadigan ishlar
2. Bir martalik vazifalar

Takrorlanadigan ishlarni vaqtga qattiq bog‘lamasdan, odatlarni bog‘lash (habit stacking) usulidan foydalanayapman.

Masalan:

Har namozdan so‘ng bir bet Qur’on o‘qish.

Bu yerda signal vaqt emas, balki boshqa bir odat.

Bir vaqtning o‘zida ko‘pi bilan 2 ta yangi odat shakllantirishga harakat qilaman.

Bir martalik vazifalarni esa bitta listda saqlayman va bo‘sh vaqtim hamda holatimga qarab bajarib boraman.

Bu uslub hozircha men uchun juda yaxshi ishlayapti.

Yaxshi reja kunning har bir daqiqasini nazorat qilish emas. Muhimi, kerakli ishlar bajariladigan tizim yaratish.

Assalomu alaykum va rahmatullohi va barakatuh!

Onda-sonda ko‘rinib qoladigan va post yozib turadigan birodaringiz shu yerda. 🙂

Startup qurishda “g‘oya sariq chaqa, eng muhimi execution” degan gapni ko‘p eshitganmiz.

Bugun esa aslida unday emasligini angladim.

Bir daqiqaga g‘oya umuman muhim emas, deb faraz qilaylik.

Masalan, Facebook’ning clone’ini yaratish g‘oyasini oldik va “eng muhimi execution” deb ishni boshladik.

Lekin bir o‘ylab ko‘raylik: ishlab turgan product’ni xuddi o‘ziday qilib yaratishdan nima ma’no bor?

Shundan anglashiladiki, g‘oya ham execution kabi muhim.

Shunday ekan, g‘oya izlab yurganingizda “men hech narsani eplay olmayman” deb ruhingizni tushirmang.

Bu bosqichning o‘zi ham startup qurish jarayonining bir qismi.

Menimcha, startup qurishda eng avvalo muammoni topish turadi.

Chunki haqiqiy muammoni topmasangiz, nimani execute qilasiz?!

Bu hali birorta startup qurmagan dasturchining fikrlari. 🙂

Salomat bo‘lasiz!

Stiv Vozniak Toshkentda!

Apple asoschilaridan biri, texnologiya afsonasi Stiv Vozniak CAU Texnik Sammitida mehmon! U Apple’ning yaratilishi, kelajak texnologiyalari va tadbirkorlik tafakkuri haqida gapiradi.

Shuningdek, Shaxina Pulatova (AI), Ulug‘bek M. (Lucid Motors, eBay), Roman Lavrentyev (Uzum), Nika Kurdiani (TBC) kabi yirik spikerlar ham bo‘ladi.

📍 Markaziy Osiyo Universiteti, Advent Hall
📅 19-20 fevral

🚀 Fursatni qo‘ldan boy bermang!

P.S: Borsammi deb o’ylab turipman. Nima deb o’ylaysiz 500 ming so’mga arziydimi?

Boy bo‘lish uchun xohish emas, ehtiyoj darajasida yashang! 💡

Xohish – bu biz qilishni xohlaydigan narsalar.
Ehtiyoj – bu qilmasak bo‘lmaydigan, majburiyat bo‘lgan narsalarimiz.

Misol uchun:

- 🍳 Uyda sog‘lom taom pishirib yeyish ehtiyoj, ko‘chada ovqatlanish esa xohish.
- 👕 Tanani yopish uchun kiyim olish ehtiyoj, yangi uslub uchun kiyim olish esa xohish.

Ehtiyojni qondirmasdan yashab bo‘lmaydi, lekin xohishlardan tiyilib yashash mumkin.

Biroq xohishdan tiyilish nafs tufayli juda qiyin.

Xohishlarni boshqarish uchun maslahatlar:

- Xohish paydo bo‘lganda uni kechiktirishga harakat qiling. Qancha ko‘p tiyilsangiz, shuncha yaxshi bo‘lib boraverasiz.

- Xohishni uyg‘otuvchi narsalarni yo‘qoting.

Agar daromadingiz tez sarflanib ketayotgan bo‘lsa:

- Xohishlaringizni cheklang.
- Tejalgan pulni sarmoya qiling. 💸

Izohlarda xohish va ehtiyojlarga o’z misollaringizni yozib qoldiring!

Unutmang: xohish va ehtiyojlar nisbiy. Siz uchun ehtiyoj bo‘lgani, boshqa odam uchun xohish bo‘lishi mumkin.

@devfarhod

Biror marta 29.895 qatorli "unit test" fayl yozganmisiz? 😇

Bizda bu odatiy holat. Biz kutubxonalarni manbaa kodini shunday olib, faylga qo'shib yuboramiz. 😂

@devfarhod

Shu kunlarda biznes va pul haqida ko’p o’qiyapman va o’ylayapman.

Odatda oddiy ishchi bo’lishimizga sabab, o’zimizni ishimizni boshlash xavf-xatarli ekanini o’ylaymiz. Balki yirik korxonalarda yirik ishlar qilishni xohlaymiz.

Nima bo’lganda ham, xavf-xatar haqida gapirsak. Kimningdir qo’lida ishlash ham xavfsiz emas. Doim “Korxonani ishi yaxshi bo’lsinda, ishsiz qolib ketmayda.” - degan hadikda yashaymiz.

Shunday ekan, nega qiyin bo’lsada, kichik bo’lsada o’z biznesimizni qurmaymiz?! Ikki yo’l ham xatarli-ku.

@devfarhod

#AITools

NotClass — Bu uskuna YouTube videolari yoki podkastlarini to‘liq ko‘rmasdan turib, sizning aniq savolingizga tegishli qismini topib beradi. 🎯

Endi soatlab videolarni ko‘rib chiqish shart emas — kerakli javobni topish bir necha soniyalarda amalga oshadi!

Shu kabi foydali AI uskunalari haqida ko‘proq bilishni istasangiz, kanalga obuna bo‘ling:

👉 @devfarhod
.

ChatGPT ning fikriga ko’ra mening hayotim yuqoridagi rasmdagi kabi ekan. 😎

Siz haqingizda qanday tasavvurga ega ekanini bilish uchun quyidagi “prompt” ni ChatGPT ga jo’nating.

Based on what you know about me. Draw a picture of what you think my alter-egos life looks like

@devfarhod

Nega AI kelajakda super inson darajasidagi dasturchi bo’lishi mumkin? 🤖💡

Avvalroq, AI to’liq dasturchilar ishini egallashi qiyinligi haqidagi fikrlarimni bo’lishgan edim. Ammo bu borada aniq faktlar yetishmayotgani sababli qat’iy fikr bildira olmasdim. Keyingi izlanishlarim davomida, yangi bir tushunchaga duch keldim va bu, AI dasturlashni to’liqligicha egallashi mumkinligiga ishora qiladi. 🔍🧩

Hozirgi LLM (keng til modellari) juda katta hajmdagi internet ma’lumotlari asosida o’qitiladi va keyinchalik mutaxassislar tomonidan fine-tune qilinadi. Ammo internetdagi ma’lumotlar super dasturchi AI yaratishga yetarli emas, chunki bu yanada kattaroq va chuqurroq ma’lumotlarni talab qiladi. 🌐🗃️

Yaqinda tushunib yetdimki, ba’zi sohalarni to’liq simulyatsiya qilish mumkin va shu orqali AI o’z-o’zini cheksiz darajada train qilishi mumkin. Dasturlash ham aynan shunday soha. 🛠️🔄

Bu qanday ishlaydi? 🤔
AI kod yozadi, uni ishga tushiradi, xatolikni aniqlaydi, so’ng o’z ma’lumotlariga yangi tajribani qo’shib, kodni tuzatib qayta yozadi. AI cheksiz marta o’rgana olgani uchun, u milliardlab tajriba orttiradi. Natijada, inson darajasidan yuqori bo’lgan super dasturchi AI paydo bo’lishi mumkin. 🚀💻

Shu bilan birga, AI dasturlashni avtomatlashtirib, murakkab kod yozish jarayonini osonlashtirsa ham, software engineering faqat kod yozishdan iborat emas. ✅ Muvaffaqiyatli dastur yaratish uchun biznes talablarini tushunish, strategik qarorlar qabul qilish va mijoz ehtiyojlarini anglash muhim. Shu sababli, AI qanchalik rivojlangan bo‘lmasin, dasturchilar hali ham ijodiy fikrlash, muammolarni hal qilish va loyihalarni boshqarishda muhim rol o‘ynaydi. 🧠📊

Kelajakda AI va insonlar o’rtasidagi hamkorlik yanada muhimlashish ehtimoli yuqori: AI texnik ishlarni tez va samarali bajarishi, insonlar esa strategik yo’nalish va innovatsion yechimlar ishlab chiqishga e’tibor qaratishi ehtimoli katta. 🤝🌟

Biroq, ishi faqat kod yozish bo‘lgan dasturchiga umuman ehtiyoj qolmaydi deb qo‘rqaman. 😬💭

@devfarhod

Yangi startap boshlamoqchi bo’lsangiz, iltimos, bir o’ylab ko’ring

O’zbekistonda yangi loyihalarni katta korporatsiyalar kayfiyat uchun qiladi, yoki biznesmenlar aytiga qiziqib dasturchilarni yig’ib o’rtaga pul tashlaydi, yoki oyoqqa turgan, o’z sarmoyasi bor juda mard insonlar yaratadi. Yana tanlovlarda grant yutib sarmoya oladiganlar ham bor, lekin ko’p emas.

Startap deganimda men pul keltiradigan, moliyalashtirilgan bir biznes deyapman. Bizda startap so’zi ma’nosi “o’zini eplavolgan biznes”ni anglatadi. Aslida esa startap “o’z biznes modelini qidirayotgan, talantlar tomonidan boshqaraladigan” korxonadir. Amerikada umuman pul topmaydigan startaplar yo’q deganda 1-2 mln dollar ko’taradi, bizda esa hatto pul topishning o’zi kifoya emas. Shu sabab ham kattarib ketgan startaplar deyarli bizdan chiqmaydi.

Venchur, angellar, ekspertlar o’zicha g’arb metodikasi bo’yicha pul bermoqchi bo’ladi, lekin hech kim O’zbekistonda 10,000$ MRR ga yetmagan startapga pul berasizlarmi degan savolga javob berolmaydi. Yetsangiz ham siz scalable emassiz, yoki sotishni bilmaysiz yaxshi (ha o’zidan o’zi 10K ga erishganmiz-ku), yo vision’ingiz sodda, yo yana nimadir yoqmaydi :)

Urining, izlaning, lekin bilingki, O’zbekiston siz kutayotgan startapbop muhit emas. Bu yerda angelning ham, venchurning ham oddiy bankdan farqi yo’q. Birinchidan ulardan pul olishning o’zi azob, loyihangizni baholashi undan ham qiziq — hali bunga yetib olgunimizcha biz o’zi oyiga 10,000$ topishimiz kerak. Nechta startap bor O’zbekistonda noldan 10,000$ gacha oylik tushumga erishgan? Hatto shunda ham sizning reja/vision’ingizga skeptisizm, ishonchsizlik bildirishadi, aslida esa O’zbekistonda 10,000$ oyiga bitta dastur bilan topish Amerikada 50,000$ topish bilan ekvivalentdir.

O’zim hozir shunday vaziyatdaman. Men startap cookbook’da berilgan barcha amallarni bajardim, lekin O’zbekistonda hammasi boshqacha ishlarkan. Qozog’istonda ham. Umuman mahalliy regionda men o’zimni kichkina bir qumloqda o’tirgandek his qilyapman. Gar bilakda shuncha kuch bor ekan, ne qilaman bu yerda yurib deganday, hozir loyihada pivot emas, hayotimda pivot qilmoqchiman. Bilmadim qanaqa, lekin menga bu o’yinlar yoqmayapti. Qoidalarni bilmayman, hakamlarni bilmayapman, gohida o’yin borligidan ham bexabar qolyapman. Agar Amerikada ham shuncha stress bo’lsa, Amerikada buni boshdan kechirish yaxshiroqmikan…

NPM da ko‘p ishlatiladigan buyruqlar to‘plami! 🚀

Bu havolani saqlab qo‘ying — juda ko‘p kerak bo‘ladi! Agar biror buyruqni unutib qo‘ysangiz, dokumentatsiyani yoki internetni kovlab o‘tirishingizga hojat qolmaydi.

ChatGPT ni ham bezovta qilib yotmaysiz. 😊

👉 https://devhints.io/npm

@devfarhod

Yangi “setup”. Ekran kengligi va tiniqligi ancha qulaylik berar ekan. Windows 11 ni ham interfeysi juda yoqdi. 🚀

@devfarhod

Har kuni atigi 1 soat dars qilsangiz, 1 yilda 365 soat bo‘ladi. Bu esa taxminan 46 kunlik ish kuni degani.

Har kuni bitta Leetcode masalasini yechsangiz, yil oxiriga kelib 365 ta masala yechgan bo‘lasiz.

Har kuni 100,000 so‘mdan jamg‘arsangiz, 1 yilda 36,500,000 so‘m to‘playsiz.

Har kuni atigi 10 bet kitob o‘qisangiz, yil davomida 3,650 bet — ya’ni o‘rtacha 200 betli 18 ta kitob o‘qigan bo‘lasiz.

Biz ko‘pincha oson va tez natijaga olib boruvchi yo‘lni qidiramiz, lekin bu sababli uzoq muddatda oz-ozdan erishsa bo‘ladigan marralarni ham qo‘ldan boy beramiz.

Agar qandaydir mahoratga erishmoqchi bo‘lsak, avvalo intizomni o‘rganishimiz kerak. Chunki intizom bilan istalgan ishni uddalash mumkin. 🔥

@devfarhod

Hayotda ko‘p narsalar noaniq. Misol uchun: AI dasturchilarni ishini avtomatlashtiradimi yoki yo‘q? Hech kim aniq bilmaydi, faqat tahmin qilishadi.

Faktlarga asoslangan ilmiy izlanish bilan taxmin qilish mumkin, lekin 100% ishonchga ega bo‘la olmaymiz. Ilgari kelajakni aniq ko‘ra olmasam, biror ishni boshlashga qo‘rqar edim. Shuning uchun ko‘p narsalarni sinab ko‘rmaganman.

Tajribamdan o‘rgandimki, rejalaringiz kelajakda qanchalik samarali bo‘lishini taxmin qilgan holda, qolganini Allohga tavakkal qilib davom etish kerak.

AI mening ishimni olib qo'yadimi? Bu haqida xavotirlanmayman. Men ishonamanki, men vaziyatga tez moshlashib keta olaman. Chunki o‘rganish va rivojlanish allaqachon mening hayotimning bir qismiga aylangan.

Biroq, "mentorlik" qilishni ham yaxshi ko‘raman. Lekin, AI tufayli bu sohaga qiziqish kamayayotgandek tuyuladi, va ba’zida bu yo‘ldan to‘xtagim kelgandek bo‘ladi.

Bugun angladimki, aniq bo‘lmagan narsalar ustida bosh qotirish o‘rniga, o‘rgatishda davom etaman va o‘zgarishlarga qarab yo‘limni moslashtirib boraman.

Sizda ham shunday ikkilanish bo‘lganmi?

@devfarhod

Cloud Engineer kelajagi Frontend Engineer nikidan porloqroqmi? 🤔

Frontend muhandisligi ko’pincha takrorlanuvchi va standart vazifalarni o’z ichiga oladi. Stil berish, UI komponentlarini yaratish va moslashtirish kabi ishlar bir xil takrorlanadi. Shu sababli, rivojlanib borayotgan AGI (Artificial General Intellegence) yoki avtomatizatsiya vositalari bu jarayonlarni kelajakda avtomatlashtirishi ehtimoli yuqori.

Front-endning Chegaralari 🚧

UI yaratish allaqachon no-code platformalar va AI yordamida kod yozish vositalari orqali qisman avtomatlashtirilgan. Bu esa kelajakda front-end muhandislarining rolini kamaytirishi mumkin.

Nega Cloud muhandisligi barqarorroq bo’lishi mumkin?

Cloud muhandisligi esa, aksincha, murakkab arxitektura dizayni, xavfsizlik va loyiha maqsadlarini chuqur tushunishni talab qiladi. Keling, bu yo’nalishning afzalliklariga nazar tashlaylik:

1. Maxsus yechimlar 🌐
Har bir loyiha o’ziga xos talablarga ega, bu esa standart avtomatizatsiya vositalari bilan yechishni murakkablashtiradi.

2. Xavfsizlik 🔐
Kompaniyalar xavfsizlik bo’yicha turli talab va standartlarga ega. Cloud muhandislari har bir loyiha uchun maxsus yechimlar ishlab chiqishadi, bu esa AGI tomonidan avtomatlashtirishni qiyinlashtiradi.

3. Innovatsiyalar va Murakkab Tizimlar 🚀
Cloud muhandisligi doimiy rivojlanayotgan soha. Serverless texnologiyalar, Kubernetes va DevOps jarayonlari muntazam yangilanadi. Mutaxassislar bu o’zgarishlarga moslashishi kerak.

4. AI va Cloud Integratsiyasi 🤖
Ko’plab kompaniyalar AI va Machine Learning modellari uchun AWS, Azure yoki Google Cloud platformalaridan foydalanmoqda. Bu esa cloud mutaxassislariga yangi imkoniyatlar eshigini ochadi.

Xulosa 📝

Mening fikrimcha, cloud muhandisligi sohasida ishlash strategik fikrlash va texnologik moslashuvchanlikni talab qiladi, bu esa AGI tomonidan avtomatlashtirishni murakkablashtiradi.

Shu sababli, men cloud muhandisligi yo’nalishiga o’tishni o’ylayapman. Siz nima deb o’ylaysiz? Sizningcha, qaysi yo’nalishning kelajagi porloqroq?

Fikrlaringizni kutib qolaman! 📩

@devfarhod

Oylikni oshirishning eng yaxshi yo’li? 💸

Doimiy ish bilan band bo‘lgan paytingizda doimiy ravishda yangi va yaxshiroq ish o‘rinlariga topshirib ko‘ring.

Odatda ko‘pchilik ishidan ayrilgandan keyingina yangi ish qidirishni boshlaydi, lekin bu unchalik samarali emas. ❌

Nega deganda, ishsizlik paytida stress tufayli suhbatlarga yaxshi tayyorgarlik ko‘rish qiyin bo‘ladi. Shoshgan holda past maoshga ham rozi bo‘lib qo’yish ehtimoli oshadi.

Aksincha, doimiy ishingiz bo‘lgan paytda yangi ishlarga topshirib ko‘rsangiz, agar biror jihati yoqmasa, osongina rad etishingiz mumkin. Bu holatda siz yuqori maoshni ancha dadil muzokara qila olasiz.

Shunday ekan, har doim ish qidiring, lekin etik me’yorlarga rioya qilishni unutmang. 🔍

Agar yaxshiroq taklif olsangiz, hozirgi ish beruvchingizga bu haqida xabar bering va rag‘batlantirish so‘rang. Agar rag‘batlantirish bermasa, xotirjamlik bilan rahmat ayting va yangi ishga o‘tib keting.

Bu bilan nafaqat oyligingiz oshadi, balki vijdonan ham toza bo‘lasiz. ✔️

@devfarhod