🍎🏃📚✏️
 
بجنورد/ بوْجنوْرد ندیر :
 
بؤیوک خوْراسان آدلانان بؤلگه نین ایچینده یئرلشن شهرلردن بیری بوْجنوْرد اوستانی و شَهَریدیر. بوْجنوْرددا یاشایان توٌرکلر باشقا خوْراسان، گوٌلوٌستان و سمنان توٌرکلری کیمی اوْغوز توٌرکجه سییله دانیشیرلار . بو دیل آذربایجان توٌرکجه سینه چوْخ چوْخ یاخیندیر.
ویکی پدیادا یازیلیبدیر : در زمان قاجاریه نام این شهر بیژن‌گرد ذکر شده است.
[۱] لسان الملک سپهر، محمدتقی (۱۳۷۷). ناسخ التواریخ تاریخ قاجاریه - جلد ۳. تهران: انتشارات اساطیر.
اوستده کی سؤز بلگه اوٌزو ایله (بلگه سل/مستند) اوْلسادا عاغیلا باتان دَییل. نییه؟ شاهنامه ده اوْخویوروق گیو اوْغلو بیژن،  مشهور روستم ین قیز نوه سی ایدی.  معناسی بودور کی بئله نچی شهری بیژن دوٌزه لدیبدیر. بیلیریک بیژن دوْغوردان بیر آدام دَییل، خیالی بیر آدامدیر. بیژن یوْخدورکی بیر شهرده دوٌزه لتمیش اوْلسون.  بیژن آددا سؤز فتحعلیشاه چاغینادک آرادا یوْخویدو.  بیلمه لییک فتحعلیشاهدان سونرا اینگیلیسین تبلیغاتی گوٌجونه بعضی تاجیکلرین ایچینده سفارشی حالدا  یاییملانیبدیر. 
آد دَییشمه اولایی اوجورکی پهلویلر چاغی رسم اوْلدو قاجار چاغیندا  تاریخده ثبت اوْلماییبدیر منجه بیژن آدی انایین(عجیب-غریب) بیرآد اولابیلر. اصالتسیز بیر آد.  
دئمه لییم ایندی معروف اوْلان شاهنامه انگیليسلی سئر ويليام جونس طرفیندن  ۱۷۷۴ هـ۱۱۵۲)–جی ایلده باسیلیب و یاییملانیبدیر. آنجاق بو تاریخده باسیلیب یاییملانان شاهنامه ده   فیردوسی یوخسا باشقا شاعیر ادی گؤرونمور.
آوروپالیلار ۱۸- ۱۹ یوز ایللیکده شاهنامه ایله تانیش اوْلدولار. ایلک دؤنه هیندیستانلا ایلگیسی اوْلماغینا گؤره ۱۸۱۱- هـ ۱۱۸۹-جی ایلده (ایران تاریخی ایله فتحعلیشاه زامانی)اینگیلیسلی مَثيولا مسدن ایدی کی نئچه پارچا شاهنامه دن یاییملادی. اوْندان سونرا –۱۸۲۶ هـ ۱۲۰۴–جی ایلده فرانسه شاهنامه نین یاییمینا ال قوْیدو.  ایلک دؤنه میلادی ۱۸۱۵- هـ۱۱۹۳جی ایلده وستنیک  درگیسینده نئچه پارچا شاهنامه دن چئوریلیب یاییملاندی. بو زامانا دک ایراندا اوْلان کوٌتله لر شاهنامه ایله تانیش ده ییلدیلر.
قیساجا دانیشساق ایرانلیلار یالنیز ۲۰۰ ایلدیر شاهنامه و شاهنامه نین آدلاری ایله تانیشدیلار. بئله نچی آد دا قوْیولموش اوْلسا کوٌتله ایچینده یوْخ یالنیز کاغیز اوٌستونده اوْلموش اوْلار. بورادا یاشایانلار "بیر نورد" "بیر یورد"، یوخسا "بی بی یورد" سؤزلرین بو شهره ایشله دیبدیلر.
سونوج
دئمک بو شهرین قدیم اوْتراق یئرلرینین چیوره لرینده گؤلمه جه لر چوْخ ایدی، بو گؤلمه جه لر اوٌزه رینده بیر بؤجک یاشاییردی توٌرکجه سی «بیجین» فارسجاسی توٌرکجه دن آلینمیش بیر آد=سنجاقک. بیلیریک سانجاق بیر توٌرکجه سؤزجوکدور. بو شهر دوٌزه لنده  بیجین بؤجکین چوْخ اولدوغونا گؤره «بیجین یورد» آد آلیبدیر. چوخلاری دا بیجین یئرینه بیچین سؤزوده ایشله دیبلر.
فارسلاشما چاغی گلنده بیجین یورد/بیچین یورد سونرالار بوْجنوْرد رسمی دیلده یازیلان بجنورد یازیلیشینی تاپیبدیر.
 
دئمک بؤیوک خوراساندا اولان چوخلو تورکجه آدلار : توٌرکمن بوْغازی(تنگه ترکمن) یئکه سو، دویدوک، گؤز، یامان داغی، حسن بی داغی، ساری گؤل پارکی، قراول چینگه، چلوداغی,،, آستی باغ، قالاجیق، آلاداغ، زوروم, کوٌپه داغ,اؤچ قارداش,نادرتپه سی,آقداش,دره گز, ساری داغ، قارا بئل کاروانساراسی و بئش قادراش و...بورانین ایللر بوْیو توٌرکلر اولدوغونو گؤرسه دیر.
 
╭•••••••••••••••••••••• ••••••••••╮
╰➤@chgrmn
                                                 #تورکجه_دانیش_ائلنن_باریش                                                                                    
                                                  #تورکجه_یازاق_ائلنن_قالاق                                                                             
                                                  #کیملیییمیزه_بیرگه_دالاق
╰••••••••••••••••••••••••••••••••╯