🍎🏃📚✏️
 
عجب شیر ندیر
 
دوکتور محمد اردم جنابلارینین شیرامین کندینه گؤره بیر دگرلی یازاناغی وارایدی.او یازاناقدان یارارلانارکن آشاغیداکی یازی اوزه چیخدی.  
شیرامین کلمه سینی موغول سؤزو شیره مون (şiremün) سؤزجوکوندن گؤتورولموش بیلمه لییک. موغولجادا ایکی شیره مون واردیر. بیری اؤزه ل(توپونیم) ایکینجیسی گئنل(آنلام). توپونیملر شخص آدلاری ایله یایقیندیرلار. موغول حؤکومتینده ایکی شیره مون آدی یازیلیدیر : بیری اؤگؤدئی/اوگتای(ögödei)  نوۀ سی بیری ده چورماغون نوۀ سی شیرامون نویان. قوشقوسوزشیرامین،  شیلامون(şilemün) سؤزوندن و اودا عیبری ده یازیلان  شلومو (şlomo) یعنی سولئیمان سؤزوندیر. گئنل اولاراق شیرامین سؤزجوکونو پاخیر داشی =پاخیر معدنی = سنگ مس= معدن مس آنلامیندا باخیشا آلمالییق.
بئله لیکله شیرامون موغولجادا سولئیمان آنلامینی داشییر.
عجب سؤزو عربجه حاجب سؤزونون ده ییشیلمیشیدیر. حاجب اسکی زامان توٌرک حؤکومتلرینده بؤیوک بیر مقام ایدی. قوتادغو بیلیک کیتابیندا ایسه حاجبه گؤره دَیَرلی سؤزلر گلیبدیر. حاجب سولطانین ان یاخین آداملاریندان سانیلیردی  و اوْنون اؤزه للیکلری اوْلمالی ایدی :
  (۲۴۵۳)حاجیب ساییق و آنلاییشلی اوْلمالیدیر
اویاق آدامین بویاغی توتار
 
 (۲۴۵۸)حاجیبین اوٌزو،قیافه سی، ساچ - ساققالی سلقه لی،
سسی گوٌر و سؤزو آیدین اوْلمالیدیر.
 
 (۲۴۶۰) ساچی ساققالی سلیقه لی کیشی حشمتلی اوْلور انسان حشمتله حرمت قازانار
 
اوٌسته کی یازیلاری باخیشا آلاندا حاجب شیرامون سؤزو گئدیکجه ده ییشیله ره ک هابئله قیسالاراق عجب شئر سؤزونه چئوریلیبدیر. حاجب> عجب و شیرامون >شئر/شیر گؤرومونه گلیبدیر. حاجیب شيرامین > عجب شئر.
 
╭•••••••••••••••••••••• ••••••••••╮
╰➤@chgrmn
                                                 #تورکجه_دانیش_ائلنن_باریش                                                                                    
                                                  #تورکجه_یازاق_ائلنن_قالاق                                                                             
                                                  #کیملیییمیزه_بیرگه_دالاق
╰••••••••••••••••••••••••••••••••╯