🍎🏃📚✏️
71-جى درس
تایلیقلار (13)
5. تعيين تایلیقلارى
بیرینجی, ایکینجی و اوٌچونجو شخص تک, هابئله ایسیملردن سوْنرا "اؤز" عوضليينين ايشلنمه سينده بو خصوصيت وارديركى, بيرينجى شخص تكده, ايسيمين سوْنوندا شخص سوْنلوغو "يم"نا گؤره" اؤز"و ايشلتمه يه ائحتياج اوْلمور. مثلا" من كيتابيمى اوْخودوم" جوٌمله سينى "من اؤز كيتابيمى اوْخودوم" شكلينده دئييب يازماغا ائحتياج يوْخدور. آنجاق "سن كيتابينى اوْخودون", "اوْ كيتابينى اوْخودو", "حسن كيتابينى اوْخودو" جوٌمله لرينده "اؤز" عوضلیگى لازيمدير, اوْنا گؤره كى اوْنلارين شخصلرى قارانليقدير.
دئييلمه ليدير كى بو وضعيت يازى ديل نورماللارى ايله دير. تبريز لهجه سينده ايكينجى شخصده "اؤز" سؤزونه ائحتياج اوْلمور: سن كيتابيوى اوْخودون(اورمو لهجه سینده سن کیتابییین اوخودون). دئمك نيسبت شكيلچيسى قبول ائتمه ين "اؤز" تعيين عوضليگى هئچ بير ايسمى دييشه بيلمز و يالنيز فاعيل (اؤزنه/سوبيكت) ايله مفعولون (نسنه/اوبيكت) ايلگيسينى بيلديرير.
"بوٌتون, هر, عئينى, فيلان" تایلیقلارى ده دييشيلمز و اوْنلاردان سوْنرا گلن ايسيملرى تعيين ائدر.
"هر" سؤزو "كس, بير, بيرى" سؤزلريله ايشله نيب, غيرمعين تایلیقلار يارادار: هركس, هر بير, هر بيرى.
"اؤز" و "هر بيرى"دن باشقا بو تایلیقلاردان سوْنرا گلن ايسيملر آدليق حالدادا اوْلا بيلر.
╭•••••••••••••••••••••• ••••••••••╮
╰➤@chgrmn
#تورکجه_دانیش_ائلنن_باریش
#تورکجه_یازاق_ائلنن_قالاق
#کیملیییمیزه_بیرگه_دالاق
╰••••••••••••••••••••••••••••••••╯
Post #5300
40
- ❤ 1