🍎🏃📚✏️
سوْمو چؤره یی ندیر.
اوشاقلیق چاغیمدا اورمودا بعضی چاغلار قالین بیر چؤرک سورفایا قویولاردی منیمده خوْشوم گلردی آدینا سوْمو یوْخسا سوْمون دئییلیردی. یادیما گلیر آنام دئیردی عسگرلره(سربازلارا) بو چؤرکدن وئریلیر. بیز اوْ زامان لاواش چؤره یی یئیردیک. چؤرک یاپان گوٌنلریده دایره وی چؤرک بعضا اوٌزه رینه یاغ یومورتا سوٌرتولموش چؤرک ده پیشیرردیلر «ال چؤره یی» آدیندا. سوْنرالار سولدوزدا گؤردوم و ائشیتدیم بیز ال چؤره یی دئدیگیمیز چؤره یه «تاپتاپان» یوْخسا «قالین» ایشلدیردیلر. سوْنرالار سوْمو یادلاردان چیخدی یئرینه بربری سؤزو گلدی.
اسکی توٌرکجه ده سوْما سؤزو واردیر ایسلانمیش، زوغلانمیش، قوروموش بوغدا آنلامیندا. بو بوغدادان چؤرک ده پیشیررمیشلر. بعضیلری بو سؤزو چیندن آلینمیشینی دئییرلر.
سوْم سؤزوده واریمیزدیر چیلخا، اسکیکسیز، کامل آنلامیندا اؤرنه یین سوْم گوٌموش= چیلخا/خالص گوٌموش. سوْم آلتین چیلخا قیزیل. سوْم ار= کامل اینسان. سوْمو چؤره یینین سوْم سؤزوندن گلمه سینی ده دئمک اوْلار. کامل چؤرک آنلامیندا. سمنی سؤزونون ده سوْم سؤزوندن گلمه سی گومان ائدیلیر.
تورکییه ده سوْمون سؤزو واردیر. بیر جور دایره وی چؤرک . بو سؤزون اصلیسینی توٌرکییه لیلر یونان دان گلمه بیلیرلر. رحمتلیک اسماعیل هادی سوْمونون تورکجه اولدوغونو قبول ائدیر یونانلیسینی یوخ.
╭•••••••••••••••••••••• ••••••••••╮
╰➤@chgrmn
#تورکجه_دانیش_ائلنن_باریش
#تورکجه_یازاق_ائلنن_قالاق
#کیملیییمیزه_بیرگه_دالاق
╰••••••••••••••••••••••••••••••••╯
Post #5268
28
- ❤ 2