— Мен кўпинча камроқ, яхшироқ деган тамойилни таъкидлайман. Яъни сўровнома жуда қисқа бўлиши керак, чунки қисқа сўровнома респондентларнинг ҳамкорлик қилиш даражасини оширади.

Ушбу босқичда биз харажатлар ва даромадларнинг тўлиқ таркибига чуқур кирмаймиз. Бу кейинроқ иқтисодий кузатув жараёнида амалга оширилади. Яна бир муҳим жиҳат ташриф вақтида ишламаётган ёки иштирок этишни рад этиши мумкин бўлган корхоналар бўйича ишни самарали режалаштиришдир.

Ҳар бир ҳудудда қанча рўйхатга олувчи кераклигини олдиндан баҳолаш лозим. Масалан, бозорларда узоқ ҳудудларга нисбатан кўпроқ ходим ва кўпроқ вақт талаб этилади.

Бундан ташқари, барча жараёнлар рақамли шаклда амалга оширилиши зарур. Рақамли маълумот йиғиш натижасида маълумотлар шу куннинг ўзида марказий офисга етиб боради. Бу эса компютерлаштирилган сифат назоратини ўтказиш ва аниқланган хатоларни дарҳол тузатиш учун жойларга қайтариш имконини беради.