Цэнтр Беларускай Салідарнасці (CBS)

ЦБС атрымаў адказ ад банку Millennium

📩 Цэнтр беларускай салідарнасці атрымаў афіцыйны адказ ад банка Millennium адносна праблемы адкрыцця асабістых банкаўскіх рахункаў для грамадзян і грамадзянкаў Беларусі ў Польшчы.

Банк паведамляе, што на дадзены момант не мае магчымасці адкрываць рахункі асобам, якія валодаюць выключна часовым пасведчаннем асобы замежніка.
Прычынай названыя абавязковыя патрабаванні фінансавай бяспекі, якія вынікаюць з польскага заканадаўства аб супрацьдзеянні адмыванню грошай і фінансаванню тэрарызму (AML/CFT), у прыватнасці артыкула 34 адпаведнага закона. 🫤

Разам з тым банк прызнае сацыяльную значнасць і актуальнасць гэтай праблемы. 🙄 У сваім адказе Millennium паведамляе, што працуе над унутранымі зменамі, якія ў будучыні могуць дазволіць адкрыццё асабістых рахункаў для гэтай катэгорыі кліентаў. Аднак канкрэтныя тэрміны ўкаранення такіх зменаў пакуль не вызначаныя.

Цэнтр беларускай салідарнасці працягвае маніторынг сітуацыі і настойліва дамагаецца сістэмнага рашэння, якое дазволіць беларусам і беларускам у Польшчы мець доступ да базавых фінансавых паслуг.

Нягледзячы на розныя погляды, пазіцыі і меркаванні, ёсць адно, у чым большасць беларусак і беларусаў яднаюцца, — падтрымка палітзняволеных 🤍

Ужо больш за месяц у ЦБС вы прыносіце вопратку, абутак, тэхніку і побытавыя рэчы для палітзняволеных.
Мы радыя мець магчымасць перадаваць усё гэта далей.
Дзякуй кожнай і кожнаму 🙏

Шмат хто пытаецца: куды можна заданаціць на набыццё неабходнага для палітзняволеных?
І ў нас ёсць адказ 💛

ЦБС адкрыў асобны рахунак, сродкі з якога ідуць выключна на набыццё патрэбнага для палітзняволеных.
Не на працу фонду, прасторы ці калектыву — толькі на іх непасрэдныя патрэбы.

СПАСЫЛКА ДЛЯ ДАНАТАЎ

Важна адзначыць розніцу паміж зборамі фонду беларускай салідарнасці @bysol і зборам ЦБС.
Bysol па-ранейшаму праводзіць персанальныя і вялікія зборы пасля вызвалення. Гэтыя сродкі перадаюцца непасрэдна палітзняволеным, і яны самі вырашаюць, як і на што іх выкарыстоўваць 🫶🏻

Збор ЦБС ідзе выключна на набыццё канкрэтных рэчаў:
артапедычнага абутку, коўдраў, рондаляў, дробнай бытавой тэхнікі і іншага неабходнага 🧥🛏️🥘🥔

З цягам часу палітзняволеныя змогуць працаваць, зарабляць і набываць усё патрэбнае самастойна. Але вельмі важна падтрымаць іх на старце адаптацыі 🤝

Таксама важна: вы можаце набыць патрэбнае самастойна. Мы рэгулярна пішам пра актуальныя патрэбы, і многія адгукаюцца на канкрэтныя запыты.
Так, напрыклад, мы падарылі палітвязынцы на дзень народзінаў прафесійны міксер — яна пячэ торты 🎂
Мы таксама знайшлі і перадалі палітзняволеным добрую тэхніку, якая ўжо была ва ўжыванні, але можа яшчэ доўга служыць💻

Таму вы заўсёды можаце дапамагчы персанальна.
Калі маеце жаданне — пішыце нам у Тэлеграме: @cbs_kontakt , у наш інстаграм ці на пошту: info@belaruscenter.eu, і мы падзелімся актуальнымі патрэбамі 💌

❗️І напрыканцы важна сказаць:

ЦБС аказвае дапамогу ўсім палітзняволеным, незалежна ад даты вызвалення. Наша падтрымка не абмяжоўваецца толькі тымі, хто выйшаў 13 снежня.

Калі вам патрэбная дапамога, вопратка, абутак ці побытавыя рэчы — вы можаце прыйсці ў ЦБС.
Кожная былая палітзняволеная і кожны былы палітзняволены могуць звярнуцца да нас 🤍

Студзень у лічбах і справах ⚖️

📊 Публікуем статыстыку працы Аддзела прававой дапамогі Цэнтра Беларускай Салідарнасці за студзень 2026 года.

У цяперашні час праца Аддзела сканцэнтраваная на аказанні прававой дапамогі былым палітычным зняволеным — незалежна ад таго, калі менавіта чалавек выйшаў з турмы.

Кіраўніца Аддзела прававой дапамогі Вольга Добравольская каардынуе гэтую працу і асабіста суправаджае складаныя справы, каб кожны чалавек меў доступ да дакументаў, абароны і права на годнае жыццё 🫶

У каруселі — асноўныя справы і вынікі працы за месяц ◀️▶️

ЦБС працягвае падтрымліваць беларускія ініцыятывы.

Пагоня зрабіла ўнікальную рэч: каманда @bkspahonia стала першай беларускай камандай, якая атрымала дазвол на выступ у афіцыйным польскім чэмпіянаце ⚽️🇵🇱

Гэта натхняльны прыклад таго, што настойлівасць і ўпартасць перамагаюць бюракратычныя перашкоды, і што за свае мэты трэба змагацца да канца.

Але Пагоня — гэта значна больш, чым футбол. Гэта каманда, якая не толькі выступае ў афіцыйных польскіх турнірах і развівае беларускую футбольную супольнасць, гэта каманда, якая застаецца важным голасам салідарнасці па-за межамі футбольнага поля.

Сёння каманда звяртаецца да вас па падтрымку 🙌
Калі вы верыце ў беларускую справу і ў сілу салідарнасці — падтрымаеце каманду, накіраваўшы 1,5% свайго падаходнага падатку.

Як гэта зрабіць?
У сваёй падатковай дэкларацыі пазначце:
KRS: 0000883672
Фонд: Fundacja Centrum Białoruskiej Solidarności
Мэта: BKS Pahonia

Разам уздымаем беларускую справу! ⚽️✊🏻🫶🏻

Жыве Беларусь!

Польскія банкі не адкрываюць рахункі былым палітвязням.
ЦБС шукае выйсце.

Мы часта сутыкаемся з сітуацыямі, калі праблема аднаго чалавека насамрэч з’яўляецца праблемай цэлай супольнасці.
І менавіта з такімі кейсамі мы працуем у Цэнтры Беларускай Салідарнасці.

Вось ужо больш за месяц былыя палітвязні з Беларусі, вызваленыя 13 снежня 2025 года, не могуць адкрыць банкаўскія рахункі ў Польшчы. А без іх немагчыма нармальна функцыянаваць у сучасным свеце.

Кіраўніца Дэпартамента прававой дапамогі ЦБС Вольга Дабравольская звярнулася з гэтай праблемай да Фінансавага амбудсмена Польшчы (Rzecznik Finansowy).

📩 Фінансавы амбудсмен ужо адрэагаваў на наш зварот і накіраваў афіцыйныя запыты ў тры буйныя банкі Польшчы:

• PKO BP S.A.
• Bank Millennium S.A.
• Santander Bank Polska S.A.

Амбудсмен просіць банкі, у прыватнасці:

➡️ растлумачыць, ці можа часовае пасведчанне асобы замежніка быць падставай для адкрыцця рахунку;
➡️ паведаміць, ці магчыма ўвесці спецыяльныя працэдуры, якія палегчаць доступ да банкаўскіх паслуг для грамадзян Беларусі (у тым ліку былых палітвязняў), што звяртаюцца па міжнародную абарону ў Польшчы.

Акрамя таго, амбудсмен звярнуўся у Саюз банкаў Польшчы з прапановай змяніць агульныя практыкі адкрыцця рахункаў для беларусаў у такой сітуацыі.

Фінансавы амбудсмен паабяцаў афіцыйна праінфармаваць ЦБС пра вынікі перамоваў як з асобнымі банкамі, так і з Саюзам банкаў Польшчы.

🔍 Адказ амбудсмена можна прачытаць у каруселі ◀️▶️

Мы працягваем працаваць не толькі з канрэтнымі выпадкамі, але і з прычынамі, якія робяць гэтыя праблемы сістэмнымі.

Дзякуючы экспертнай падтрымцы Цэнтра Беларускай Салідарнасці, польскі сенатар Адам Боднар падрыхтаваў і агучыў афіцыйную заяву пра выклікі, з якімі штодня сутыкаюцца грамадзяне Беларусі пры легалізацыі побыту ў Польшчы. Палітык выступіў падчас 51-га пасяджэння Сената РП XI кадэнцыі (28 студзеня 2026 года).

У сваёй прамове сенатар:

▶️ нагадаў пра рэпрэсіі і пратэсты ў Беларусі,
▶️ апісаў рэальную сітуацыю беларусаў і беларусак, якія жывуць у Польшчы,
▶️ накіраваў канкрэтныя пытанні да Міністэрства ўнутраных спраў і адміністрацыі,
▶️ і — што асабліва важна — засяродзіўся на сістэмных зменах, звязаных з польскім праязным дакументам для замежнікаў. Гэтая тэма непасрэдна ўплывае на тысячы людзей.

🎥 Запіс выступу можна паглядзець па спасылцы (05:39:00)
З тэкстам заявы можна азнаёміцца тут.

Мы шчыра дзякуем пану Адаму Боднару за адкрытасць, давер і супрацоўніцтва, а таксама ўсім, хто далучыўся да гэтай важнай працы.

Асобныя словы падзякі — дырэктарцы аддзелу прававой дапамогі ЦБС Вользе Дабравольскай за прафесійную падтрымку ў падрыхтоўцы заявы. Дарэчы, працу нашай каляжанкі асобна адзначылі з трыбуны Сената 😍

Мы робім усё магчымае, каб знайсці сістэмнае, справядлівае і чалавечнае вырашэнне праблемаў, з якімі сутыкаюцца нашыя суайчыннікі на шляху легалізацыі ў Польшчы.

Дзякуй за давер 🫶

12 снежня 2025 года Прэзідэнт Польшчы Караль Наўроцкі падпісаў закон аб унясенні зменаў у Закон аб іншаземцах і некаторыя іншыя законы. Новаўвядзенні прадугледжваюць лічбавізацыю працэдур, звязаных з легалізацыяй побыту, у прыватнасці:

➡️ заявы можна будзе падаваць толькі ў электронным выглядзе праз сістэму MOS 2.0 — падача дакументаў непасрэдна ў органах стане немагчымай;
➡️ для падачы заявы ў MOS 2.0 іншаземец павінен мець Profil Zaufany або кваліфікаваны электронны подпіс;
➡️ іншаземцам будуць выдаваць электроннае пацвярджэнне падачы заявы, якое заменіць ранейшую «чырвоную пячатку» ў пашпарце.

⚠️Таму каб пазбегнуць праблем у будучыні, рэкамендуем загадзя стварыць Profil Zaufany.

У некаторых выпадках да заявы на дазвол на побыт трэба далучыць падатковую дэкларацыю разам з пацвярджэннем яе падачы ў адпаведную падатковую інспекцыю.

Такім пацвярджэннем з’яўляецца UPO (Urzędowe Poświadczenie Odbioru), якое можна спампаваць у сістэме e-Urząd Skarbowy.

◀️▶️ У каруселі — кароткая інструкцыя, як знайсці і спампаваць гэты дакумент.