Вольга Дабравольская ў эфіры Еўрарадыё!

У размове са Змітром Лукашуком кіраўніца аддзела прававой дапамогі Вольга Дабравольская разам з дарадцам Святланы Ціханоўскай па юрыдычных пытаннях Леанідам Марозавым адказвала на пытанні, што датычацца легалізацыі былых палітвязняў і Дублінскага рэгламента.

🗣 Вольга Дабравольская адзначыла:
▪️ У ЦБС ужо цяпер звяртаюцца былыя палітзняволеныя па юрыдычную інфармацыю і падтрымку.
▪️ Патрэбна будзе шмат працы, каб дапамагчы гэтым людзям атрымаць міжнародную абарону ў Польшчы, нават калі яны былі вывезены з Беларусі пасля вызвалення.
▪️ Заявы на міжнародную абарону працягваюць разглядацца, рашэнні выдаюцца — таму лепш падавацца зараз, а не чакаць.
▪️ Калі вы маеце дазвол на пражыванне, напрыклад, на падставе працы, але ёсць рызыка вяртання ў Беларусь, варта таксама падацца на міжнародную абарону.
⠀
Бо калі ўзнікне непрадказальная сітуацыя (напрыклад, страта пашпарта або неабходнасць аформіць дакументы, звязаныя з Беларуссю), даказаць уладам, што вяртанне небяспечнае, без статусу абароны будзе вельмі складана.

🔹 Міжнародная абарона — гэта не толькі юрыдычная бяспека, але і магчымасць атрымліваць дакумент падарожжа, які дае магчымасць перасякаць межы.

Поўнае інтэрв’ю можна паслухаць на YouTube-канале Еўрарадыё.