📌 Апошнія некалькі тыдняў мы рэгулярна атрымліваем пытанні наконт неабходнасці апастылю на пасведчанні аб нараджэнні. Сапраўды, у медыя неаднаразова з’яўлялася інфармацыя пра тое, што нібыта ўведзены новыя правілы, згодна з якімі супрацоўнікі і супрацоўніцы польскіх дзяржаўных устаноў патрабуюць апастыль на пасведчанні аб нараджэнні, выдадзеныя ў СССР.

▫️Гэтая інфармацыя натуральна выклікае занепакоенасць у грамадзян Беларусі, якія не могуць паехаць у Беларусь па апастыль з-за пагрозы палітычных рэпрэсій.

🤷‍♀️ Аднак афіцыйнага пацверджання пакуль няма. Дадзеныя, якія публікуюцца ў медыя, часта супярэчлівыя, таму мы не можам абапірацца на іх пры кансультаванні нашых кліентаў і кліентак.

✉️ Кіраўніца аддзела прававой дапамогі ЦБС Вольга Дабравольская накіравала ліст у Міністэрства ўнутраных спраў і адміністрацыі з пытаннем: ці сапраўды адбыліся змены ў парадку прызнання польскімі адміністрацыйнымі органамі актаў грамадзянскага стану, выдадзеных беларускім бокам, у тым ліку былымі органамі БССР і СССР?

☝️Мы абавязкова паведамім вам, як толькі атрымаем афіцыйны адказ Міністэрства. Сачыце за абнаўленнямі ў нашых сацыяльных сетках.