🇹🇷🤝🇺🇿 Parodontologik jarrohlik va implantologiya bo‘yicha boy tajribasi bilan CAU Stomatologiya Maktabi nufuzini oshirib kelayotgan doktor Asena Aksoyni tanishtirishdan mamnunmiz!

Asli turkiyalik bo‘lgan doktor Asena Aksoy Istanbuldagi Biruni Universityʼda bakalavriatni, so‘ngra Germaniyadagi Münster universitetida og‘iz bo‘shlig‘i implantologiyasi yo‘nalishi bo‘yicha magistraturani tamomlagan.

Uning kasbiy faoliyati Turkiya va Germaniyani qamrab olgan bo‘lib, Germaniyaning yetakchi shifoxonalaridan biri hisoblangan Kliniken Essen-Mittedagi klinik amaliyotni ham o‘z ichiga oladi.

Doktor Aksoy CAUʼda parodontologik jarrohlik va implantologiya fanlaridan dars berish barobarida talabalarning ilmiy-tadqiqot ishlari hamda loyihalariga rahbarlik qilib kelmoqda.

U nazariy bilimlarni klinik mashg‘ulotlar va simulyatsiyalar bilan uyg‘unlashtirgan holda dars beradi. Bu esa talabalarga o‘z ko‘nikmalarini bosqichma-bosqich oshirish, murakkab holatlarni tashxislash, to‘g‘ri davolash rejasini tuzish va bemorlarga yuqori sifatli tibbiy xizmat ko‘rsatishga tayyorlanish imkonini yaratadi.

💙 Doktor Aksoy uchun zamonaviy kampus, qizg‘in muhit va eng muhimi — CAU talabalarining intiluvchanligi pedagogik faoliyatni maroqli jarayonga aylantirib, unga har kuni cheksiz ilhom bag‘ishlaydi.

🇬🇧 For reading in English
_____________________________________

💬Telegram 📱Instagram

📱Facebook 📹Youtube

📞 71-200-05-22, 71-208-12-34

💙 Kanalimizni qo'llab-quvvatlang!