Qorovulbozor tumani 5-maktabda "Payshanba — yoshlar kuni" doirasida tadbir bo'lib o'tdi
Qorovulbozor tumani "Jarqoq" mahalla fuqarolar yig'ini hududida joylashgan 5-umumta'lim maktabida "Payshanba — yoshlar kuni" munosabati bilan ma'naviy-ma'rifiy tadbir tashkil etildi.
Mazkur uchrashuvda "Jarqoq" MFY yoshlar yetakchisi, 5-umumta'lim maktabining rahbariyati, fidoiy pedagoglar jamoasi hamda maktabning faol o'quvchi-yoshlari ishtirok etishdi.
Tadbir davomida o'sib kelayotgan yosh avlodning bo'sh vaqtini mazmunli tashkil etish, ularning jamiyatdagi faolligini oshirish hamda iqtidorlarini yuzaga chiqarish masalalariga alohida e'tibor qaratildi. Yoshlar yetakchisi va maktab rahbariyati so'zga chiqib, bugungi kunda yoshlar uchun yaratilayotgan imkoniyatlar haqida to'xtalib o'tishdi.
Shuningdek, uchrashuv ochiq muloqot tarzida o'tib, o'quvchilar o'zlarini qiziqtirgan savollarga batafsil javob olishdi va kelgusidagi rejalari, yangi tashabbuslari bilan o'rtoqlashdilar. Bu kabi tadbirlar yoshlarning maktab va mahalla hayotidagi ishtirokini kuchaytirib, ularni vatanparvarlik va bunyodkorlik ruhida tarbiyalashga xizmat qiladi.
🇺🇿 Rasmiy sahifalarimizni kuzatib boring:
Sayt|Telegram|Facebook|Instagram|YouTube