🇺🇦🇺🇸🇷🇺 АҚШ Конгрессига барча турдаги Россия нефт маҳсулотларини сотиб олишни тақиқлашга қаратилган икки партиявий қонун лойиҳаси киритилади
Бу ҳақда Пенсилвания штатидан сайланган республикачи конгрессмен Браян Фитспатрик эълон қилди. Фитспатрикнинг Х ижтимоий тармоғида маълум қилишича, қонун лойиҳаси Роналд Рейганнинг “куч орқали тинчлик” қонуни деб номланади.
Ҳужжатни Вакиллар палатасининг ялпи мажлисида кўриб чиқишга олиб чиқиш учун парламентдаги махсус тартибдан фойдаланиш режалаштирилган. Ушбу механизм қонун лойиҳасини тегишли қўмита ёки палата спикери кўриб чиқишни тўхтатиб турган тақдирда ҳам, камида 218 нафар конгрессменнинг имзоси билан умумий овоз беришга олиб чиқиш имконини беради.
Фитспатрик қонун лойиҳаси катта устунлик билан қабул қилинишига ишонч билдирган. Небраска штатидан сайланган республикачи конгрессмен Дон Бейкон ҳам ҳужжатни қўллаб-қувватлашини маълум қилди. У АҚШ президенти Доналд Трампнинг Россиядан дизел ёқилғиси сотиб олиш ҳақидаги қарорини танқид қилди.
Аввалроқ АҚШ президенти Доналд Трамп Россия раҳбари Владимир Путин билан телефон мулоқотини “жуда муваффақиятли” деб атаган эди. Унинг маълум қилишича, томонлар Россия дизел ёнилғисини Қўшма Штатлар ва жаҳон бозорига етказиб бериш бўйича келишувга эришган.
🔥 @burchakostida
Post #82238
18.2K
23.5° бурчак остида 🇺🇸🇷🇺🇺🇦 Путин билан гаплашдим, Россия АҚШ ва жаҳон бозорига миллионлаб тонна дизел ёнилғисини етказиб беради — Доналд Трамп АҚШ президенти Россия раҳбари билан навбатдаги телефон мулоқотини ўтказди. Трампнинг ёзишича, Россия Америка ва глобал бозорга яқин…