🇺🇸 АҚШ Халқаро жиноий суднинг собиқ судяси Тинчлик бўйича Нобел мукофотини олганидан бир неча соат ўтиб ушбу судга қарши санкциялар киритди. Трамп икки йилдан бери ушбу мукофотни олишга уриниб келаётган эди

Оммавий ахборот воситаларининг қайд этишича, ушбу қадам Вашингтонни европалик иттифоқчилар билан дипломатик зиддият йўлига олиб чиқади.

Халқаро жиноий суд (ХЖС) прокурори ўринбосари Назҳат Шамим Хан жорий этилган чекловларни қоралади ва бундай ҳаракатлар халқаро трибунал ишини тўхтата олмаслигини маълум қилди. Унинг сўзларига кўра, Вашингтон узоқ вақтдан бери ХЖСга нисбатан душманлик позициясини эгаллаб келмоқда ва аввал ҳам унинг прокурорлари ҳамда судяларига қарши санкциялар киритган. Янги чора аввалгиларидан анча узоққа боради, чунки у потенциал равишда бевосита судга хизмат кўрсатувчи компанияларни ҳам жазолаши мумкин.

"Президент Трамп Халқаро жиноий суднинг америкаликларни таъқиб қилишига ҳеч қачон йўл қўймайди. Айнан шунинг учун бугун Қўшма Штатлар Халқаро жиноий судга қарши санкциялар киритмоқда. Биз бу суд билан транзакцияларни тақиқлаймиз, уларни ресурслардан маҳрум қиламиз ва фаолият юритиш қобилиятига путур етказамиз", — дея қарорга изоҳ берди АҚШ давлат котиби Марко Рубио.

Аввалроқ бу йилги Тинчлик бўйича Нобел мукофотини Жанубий Африка Республикасидан бўлган ҳуқуқшунос Нави Пиллай олгани эълон қилинганди. Пиллай 2008–2014 йилларда БМТнинг Инсон ҳуқуқлари бўйича олий комиссари лавозимида ишлаган. Шунингдек, у Халқаро жиноий суд судьяси бўлган ва Руанда бўйича халқаро трибуналга раҳбарлик қилган.

Бир йил олдин ҳам Тинчлик бўйича Нобел мукофоти Трампга берилмаган эди. Ўшанда у венесуэлалик мухолифатчи Мария Корина Мачадога берилган. Шу йилнинг январ ойида АҚШ Николас Мадурони ўғирлаб кетганидан сўнг, Трамп Мачадонинг Венесуэла раҳбари вазифасини вақтинча бажарувчи лавозимига даъвосини қўллаб-қувватлашдан бош тортган эди. Оммавий ахборот воситалари маълумотларига кўра, бунга сиёсатчининг ўз Нобел мукофотини Трампга беришни хоҳламагани туфайли пайдо бўлган хафагарчилик сабаб бўлган.

🔥 @burchakostida