Пераводы грошаў

З улікам росту актыўнасці агентурнай сеткі і беларускіх спецслужбаў на тэрыторыі Еўразвязу, звяртаю ўвагу беларусаў у Польшчы, у якіх ёсць рахункі ў банку PKO.

Калі вы перасылаеце грошы іншым карыстальнікам PKO, яны бачаць вашыя прыватныя дадзеныя:
👉 імя і прозвішча;
👉 польскі нумар тэлефона;
👉 адрас, які вы пакінулі пры рэгістрацыі. Пры гэтым у многіх беларусаў там нават запоўнены іх беларускі адрас (як на скрыншоце).

Гэта можа быць выкарыстана супраць вас ў самых розных сітуацыях, напрыклад:
❗️Да вас можа звярнуцца незнаёмец з просьбай дапамагчы і даслаць яму грошы на карту, а ён вам наяўнымі аддасць. Адбываецца ваш дэанон.
❗️Збор сродкаў (данаты), за якія на вас могуць завесці крымінальнаю справу за "фінансаванне экстрэмісцкіх фармаванняў" альбо здэаноняць тэлеграм акаўнт.

Рабіце пераводы толькі тым, хто вас ведае. У іншых выпадках выкарыстоўвайце іншыя шляхі, напрыклад гэты.

Шчырая падзяка сябру, які звярнуў увагу на гэты момант.