❗️Bank-moliya akademiyasi xalqaro tajriba almashish va ta’lim sifatini oshirish borasidagi tashabbuslarda faol ishtirok etmoqda.
🌏 O‘zbekiston Respublikasi Prezidenti Administratsiyasi huzuridagi Ta’lim sifatini ta’minlash milliy agentligi tomonidan «O‘zbekiston oliy ta’limida sifatni ta’minlashni mustahkamlash» mavzusida xalqaro seminar tashkil etildi. Unda mamlakatimizdagi qator oliy ta’lim muassasalari vakillari, xalqaro ekspertlar hamda ta’lim sifati sohasi mutaxassislari ishtirok etdi.
❇️ Seminarda Bank-moliya akademiyasi Ilmiy ishlar va xalqaro hamkorlik bo'yicha prorektor Mashhurbek Jalolovning ma’ruzasi alohida ahamiyat kasb etdi. U o‘z chiqishida Akademiyaning xalqaro akkreditatsiya yo‘nalishidagi tajribasi, BGA (Business Graduates Association) bilan hamkorlikda amalga oshirilayotgan ishlar va «Ta’lim modeli» haqida fikr-mulohazalarini bayon qildi. Uning seminardagi ma’ruzasi Bank-moliya akademiyasining xalqaro standartlarga mos ta’lim muhitini shakllantirish, ilg‘or tajribalarni ommalashtirish va ta’lim natijalarining amaliy samaradorligini oshirishga qaratilgan yondashuvlarini namoyon etdi.
📖 Ma’ruzada ta’lim sifatini izchil takomillashtirish, boshqaruv samaradorligini oshirish va bitiruvchilarning mehnat bozoridagi raqobatbardoshligini mustahkamlashga xizmat qiluvchi muhim mexanizm sifatida baholash zarurligiga e’tibor qaratildi.
📕 Tadbirda Buyuk Britaniyaning Association of MBAs va Business Graduates Association (AMBA & BGA) tashkilotlari vakillari ham ma’ruza bilan ishtirok etdi. Xususan, biznesni rivojlantirish bo‘limi rahbari Richard Tyorner va biznes maktablari bilan hamkorlik bo‘yicha direktori Debbi Kemp xalqaro a’zolik, ta’lim dasturlarini validatsiyadan o‘tkazish va akkreditatsiyadan foydalanish imkoniyatlari, shuningdek, jahon darajasidagi biznes maktabini shakllantirish masalalari yuzasidan ma’lumot berdi.
⚠️ AMBA & BGA xalqaro tarmog‘i 460 dan ortiq biznes maktabini birlashtirgan bo‘lib, uning standartlari ta’lim sifati, boshqaruv madaniyati va bitiruvchilarning kasbiy rivojlanishiga qo‘yiladigan talablarni qamrab oladi.
📍Seminar doirasida O‘zbekiston oliy ta’lim muassasalari uchun xalqaro hamkorlik va akkreditatsiya imkoniyatlari tushuntirildi, yangi BGA a’zolariga sertifikatlar topshirildi.
👉Telegram kanalimizga aʼzo bo‘ling !
🌐 www.bfa.uz | 🕊Telegram | 📱Facebook | 📱Instagram | 📺Youtube | Linked in