🔰 Bugungi kunda yoshlarning iqtisodiy faolligini oshirish, ularning bilim va salohiyatini tadbirkorlik tashabbuslariga yo‘naltirish hamda yangi ish o‘rinlarini yaratishga ko‘maklashish mamlakat taraqqiyotining muhim shartlaridan biridir.
❗️Yaxshi biznes g‘oyasining o‘zi muvaffaqiyatga erishish uchun yetarli emas. Uni puxta rejalashtirish, moliyaviy imkoniyatlarni to‘g‘ri baholash, bozor talabini o‘rganish, investitsiyalarni samarali boshqarish va zamonaviy bilimlarni amaliyotga tatbiq etish zarur. Ana shu maqsadlar yo‘lida O‘zbekiston Respublikasi Bank-moliya akademiyasi va Yoshlar ishlari agentligi huzuridagi Yoshlar tadbirkorligini rivojlantirish davlat maqsadli jamg‘armasi o‘rtasida hamkorlikni mustahkamlashga qaratilgan muhim qadam tashlandi.
📍Bank-moliya akademiyasi rektori Elmurod Hoshimov Jamg‘armaning mas’ul vakillari bilan uchrashuv o‘tkazdi. Muloqot davomida yoshlarning biznes tashabbuslarini qo‘llab-quvvatlash, moliyaviy savodxonligini oshirish, istiqbolli loyihalarini ro‘yobga chiqarish, shuningdek, tadbirkorlik faoliyati uchun zarur bilim va amaliy ko‘nikmalarini rivojlantirish masalalari yuzasidan fikr almashildi.
❇️ Uchrashuvda yoshlarning tadbirkorlik g‘oyalarini aniq biznes loyihalariga aylantirish, ularning moliyaviy va iqtisodiy bilimlarini mustahkamlash hamda ta’lim imkoniyatlarini amaliy tajriba bilan uyg‘unlashtirish muhimligiga alohida e’tibor qaratildi.
📌Muloqot yakunida «Yoshlar tadbirkorligini rivojlantirish, yoshlarning tashabbuslarini qo‘llab-quvvatlash va ta’limiy hamda amaliy loyihalarni amalga oshirish to‘g‘risida»gi o‘zaro anglashuv memorandumi imzolandi.
📖Memorandumda yoshlar uchun tadbirkorlik, biznesni boshqarish, moliyaviy savodxonlik va investitsiyalar bo‘yicha o‘quv dasturlari, seminarlar, treninglar hamda mahorat darslarini tashkil etish hamkorlikning muhim yo‘nalishlari sifatida belgilangan. Bu borada Bank-moliya akademiyasining ta’lim va ilmiy salohiyati, professor-o‘qituvchilari, ekspertlari hamda mutaxassislarining bilim va tajribasidan foydalanish alohida ahamiyat kasb etadi.
✍️ Ёшлар тадбиркорлигини ривожлантириш ва ташаббусларини қўллаб-қувватлаш бўйича меморандум имзоланди
🔰 Бугунги кунда ёшларнинг иқтисодий фаоллигини ошириш, уларнинг билим ва салоҳиятини тадбиркорлик ташаббусларига йўналтириш, янги иш ўринларини яратишга кўмаклашиш мамлакат тараққиётининг муҳим шартларидан биридир.
❗️Яхши бизнес ғоясининг ўзи муваффақият учун етарли эмас. Уни пухта режалаштириш, молиявий имкониятларни тўғри баҳолаш, бозор талабини ўрганиш, инвестицияларни самарали бошқариш ва замонавий билимларни амалиётга татбиқ этиш зарур. Ана шу мақсадлар йўлида Ўзбекистон Республикаси Банк-молия академияси ва Ёшлар ишлари агентлиги ҳузуридаги Ёшлар тадбиркорлигини ривожлантириш давлат мақсадли жамғармаси ўртасида ҳамкорликни мустаҳкамлашга қаратилган муҳим қадам ташланди.
📍Банк-молия академияси ректори Элмурод Ҳошимов Жамғарманинг масъул вакиллари билан учрашув ўтказди. Мулоқот давомида ёшларнинг бизнес ташаббусларини қўллаб-қувватлаш, молиявий саводхонлигини ошириш, истиқболли лойиҳаларини рўёбга чиқариш ҳамда уларнинг тадбиркорлик фаолияти учун зарур билим ва амалий кўникмаларини ривожлантириш масалалари юзасидан ўзаро фикр алмашилди.
❇️ Учрашувда ёшларнинг тадбиркорлик ғояларини аниқ бизнес лойиҳаларига айлантириш, уларнинг молиявий ва иқтисодий билимларини мустаҳкамлаш, таълим имкониятларини амалий тажриба билан уйғунлаштириш муҳимлигига эътибор қаратилди.
📌 Мулоқот якунида «Ёшлар тадбиркорлигини ривожлантириш, ёшларнинг ташаббусларини қўллаб-қувватлаш ва таълимий ҳамда амалий лойиҳаларни амалга ошириш тўғрисида»ги ўзаро англашув меморандуми имзоланди.
📖 Меморандумда ёшлар учун тадбиркорлик, бизнесни бошқариш, молиявий саводхонлик ва инвестициялар бўйича ўқув дастурлари, семинарлар, тренинглар ҳамда маҳорат дарсларини ташкил этиш ҳамкорликнинг муҳим йўналишлари сифатида белгиланган.
👉 Xabarni tarqating!
🌐 www.bfa.uz | 🕊Telegram | 📱Facebook | 📱Instagram | 📺Youtube | Linked in