Taksi bozori soyadan chiqmoqda, ammo oldinda hali ish ko‘p 

Birinchi to‘rt oy yakunlariga ko‘ra, taksi agregatorlari (Yandex Go, Uklon, MyTaxi va boshqalar) aylanmasi 1 trillion so‘mdan oshdi.

Bu vaqt ichida deyarli 20 million qatnov amalga oshirildi (kuniga o‘rtacha 166 666).

Taqqoslash uchun, 2017-yilda O‘zbekistonda kuniga 15 mingga yaqin rasmiy qatnov amalga oshirilardi.

Bularning barchasi yo‘lovchi tashish sohasi asta-sekin soyadan chiqayotganidan dalolat beradi.

Asosiy sabab — raqamlashtirish. 

Soliq qo‘mitasi taksilar bilan integratsiya qildi va endi hammasini ko‘rib turibdi (qancha yo‘lovchi, qancha qatnov, qanday to‘lanadi — kartadami, naqd puldami).

Shu bilan birga, hozirda 124 ta kompaniyadan faqat 6 tasi Soliq qo‘mitasi bilan integratsiyalashgan.

Shuning uchun, oldinda hali ish ko‘p, lekin boshlanishi yomon emas.

@beshtorr

#bozor #taksi