🔥 "Alisa" o‘zbek tilida gapira boshladi

O‘zbekistonda ICTWeek haftaligi boshlandi.

U yerda ko‘p narsalar sodir bo‘ladi, lekin men faqat eng qiziqarli va muhim narsalar haqida post qilaman.

Birinchi kunning o‘zidayoq katta yangilik — Yandex Uzbekistan o‘zbek tilini tushunadigan va gaplasha oladigan "Alisa"ni taqdim etdi.

Bu haqiqatan ham katta voqea, chunki virtual yordamchiga yangi tilni o‘rgatish juda ko‘p vaqt va resurs talab etadi.

Yandex Uzbekistan "Alisa"ni o‘zbek tilida gapirtirish uchun bir necha oy sarfladi - buning uchun katta til modelini (LLM) professional muharrirlar va filologlar o‘qitdi.

Katta hajmdagi ma’lumotlar - minglab qo‘lda tarjima qilingan dialoglar va yuzlab soatlik audioyozuvlar ishlatilgan.

O‘zbekistonda turli hududlarda turlicha so‘zlashilgani uchun "Alisa"ni turli shevalarni tushunishga o‘rgatishgan.

Ushbu katta ish natijasida virtual assistent endi o‘zbek tilida tabiiy muloqot qila oladi.

Men "aqlli" kolonkadan 6 yildan beri foydalanaman

O‘zbek tilidagi "Alisa" barcha "aqlli" kolonkalarda mavjud: "Layt", "Mini", "Midi", "Strit", "Maks".

Birinchi kolonkam "Layt" edi - 2019-yilda uni chet eldan, tanishlarim orqali buyurtma qilishga majbur bo‘lgandim. Rubl bilan to‘lash va uzoq kutishga to‘g‘ri kelgandi.

Hozir hammasi osonlashdi — istalgan qurilmani Yandex Market Go orqali so‘mda, tez yetkazib berish va bo‘lib-bo‘lib to‘lash imkoniyati bilan sotib olsa bo‘ladi.

Kichkina bolalaringiz bo‘lsa, juda ham tavsiya etaman, chunki kolonka ancha qo‘l keladi — ham musiqa qo‘yib beradi, ham ertak aytib beradi.

"Alisa" o‘zbek tilida gapira boshlagandan keyin bu yanada dolzarbroq bo‘ldi.

@beshtorr

#texnologiyalar #yandex