O‘zbekistonda eng ko‘p yuklab olingan ilovalar: iyun

Yoz Uzum Bank yetti pog‘ona yuqorilab, iOS uchun eng ko‘p yuklab olingan ilova bo‘lishi bilan boshlandi.

Ehtimol, bu hozirgi paytda ko‘pchilik Visa kartasini rasmiylashtirayotgani bilan bog‘liq — har oyda o‘rtacha 150 000 ta yangi karta ochilmoqda.

Google Play’da ham ilovaning o‘rni sezilarli darajada ko‘tarildi (+16), ammo bu kuchli o‘ntalikka kirish uchun yetarli bo‘lmadi.

Yana bir e’tiborga loyiq o‘zgarish Yandex Go bilan yuz berdi — u shunchalik ko‘p o‘rnatilmoqdaki, endi ilova ikkala reytingda ham bor.

Buning ham sababi bor — bahorda ishga tushirilgan marketpleys rivojlanmoqda, "Eats," "Taksi," "Yetkazib berish," "Lavka" va "Samokatlar" xizmatlari yaxshi o‘sish ko‘rsatmoqda.

Safe Road’ga bo‘lgan qiziqish esa pasayishda davom etmoqda: App Store’da ilova hozircha birinchi o‘ntalikda bo‘lsa-da, Google Play’da endi yo‘q.

Xalq bankining Xazna ilovasi Android foydalanuvchilari uchun eng ko‘p yuklab olingan milliy ilova bo‘lib qolmoqda. Unga yaqin o‘rinda Soliq ilovasi turibdi.

Umuman olganda, bahorga nisbatan o‘zgarishlar kam, Google Play’dagi kuchli beshlik umuman o‘zgarmagan.

Bu tushunarli holat — yoz, ta’tillar, dam olish mavsumi. Odamlarning boshi hozir yangi ilovalar bilan emas, boshqa narsalar bilan banddir.

@beshtorr

#mobayl