✝️ У беларускім касцёле асвяцілі абраз, створаны штучным інтэлектам

Праект @katolik_life паведамляе, што гэта першы падобны выпадак у Беларусі (і не выключана, што ў свеце).

Выяву Карла Акуціса, згенераваную ШІ, блаславіў арцыбіскуп-эмэрыт Тадэвуш Кандрусевіч падчас учорашняй імшы ў касцёле святой Марыі Магдалены ў Новалукомлі.

✍️ Карла Акуціс – італьянскі падлетак, які ў 2006-м памёр ад лейкеміі ва ўзросце 15 гадоў. Ён актыўна выкарыстоўваў інтэрнэт для распаўсюду хрысціянскай веры і каштоўнасцей. Каталіцкая царква афіцыйна прызнае два цуды, здзейсненыя Акуцісам. Год таму Ватыкан прагалосіў яго святым. Карла называюць «інфлюэнсерам Бога» ды «заступнікам Інтэрнэту».