🛑🪖Вучэбны блокпост на ўездзе ў Гомель выклікаў вялізны затор. Незадаволеным пагражалі

Карыстальнікі, якія папярэджвалі кіроўцаў пра праверкі праз онлайн-сэрвісы і раілі ехаць у аб’езд, паведамляюць пра пагрозы ў каментарах. Некаторыя людзі выдалялі паведамленні.

Увечары 20 верасня чарга на ўездзе з боку чарнігаўскай трасы расцягнулася амаль на кіламетр. Блокпост арганізавалі ў межах збораў тэрытарыяльнай абароны.

Аналагічныя пункты стварылі таксама ў Светлагорску і Акцябрскім. Пры гэтым у Акцябрскім на вайскоўцах заўважылі чырвоныя палосы скотчу на руках і нагах – паводле «Флагштока», яны паўтараюць расейскія тактычныя абазначэнні, якія выкарыстоўваюцца падчас вайны ва Украіне.

Зборы працягнуцца да 25 верасня.