Літаратурны музей

95 ГАДОЎ З ДНЯ НАРАДЖЭННЯ НІЛА ГІЛЕВІЧА

Сёння спаўняецца 95 гадоў з дня нараджэння Ніла Сымонавіча Гілевіча (1931–2016) – народнага паэта Беларусі.

Ніл Гілевіч быў чалавекам прыкметным – і літаральна, і ў беларускай літаратуры. Яго цяжка не заўважыць на фотаздымках: высокі рост, выразны твар, пільны позірк, характэрная міміка.

У фондах нашага музея захоўваюцца фотаздымкі Ніла Гілевіча розных гадоў. На іх – паэт у розных абставінах і настроях: малады і сталы, сур’ёзны і ўсмешлівы, засяроджаны і непасрэдны.

Сёння прапануем пагартаць гэтыя фотаздымкі і проста палюбавацца паэтам – жывым, сапраўдным, розным.

“ЭТНАСУСВЕТ”
адкрыццё фотавыставы Кацярыны Аракчэевай

🔆Праект “Кола года”

30 верасня 2026, 19:00

📍Дзяржаўны музей гісторыі беларускай літаратуры

У персанальным праекце ЭТНАСУСВЕТ Кацярына Аракчэева прадстаўляе фотаздымкі, створаныя на працягу 2023–2026 гадоў. Гэта галерэя партрэтаў сучасных беларусак у традыцыйных аўтэнтычных касцюмах. Унікальнасць праекта ў тым, што звычайныя людзі на дзве гадзіны фотасесіі апраналі рэчы музейнай каштоўнасці, якім больш за 100 год, якія звычайна жывуць у вітрынах і недасяжныя для карыстання . Падчас фотасесій выкарыстоўваліся беларускія народныя строі з прыватных калекцый або вельмі дакладныя рэканструкцыі. Гледзячы на фотаздымкі, можна ўявіць, як выглядалі нашыя продкі.

Было вельмі цікава і захапляюча назіраць за тым, як мяняецца аблічча, постаць, позірк жанчыны ў строі, як яна адчувае сябе ў гэтым старадаўнім уборы. Гэтыя партрэты паказваюць: сапраўдная прыгажосць не ведае часу. Яна жыве ў нашых генах, прарастае праз арнаменты і ззяе ў вачах кожнай беларускі.

Адна з мэтаў выставы - прадэманстраваць дасканаласць беларускіх народных касцюмаў, вышыўкі і ткацтва аб як мага большай колькасці людзей. Нашыя невядомыя народныя мадэльеры стварылі стыль, хараство і яскравасць, вартыя быць вядомымі шырокаму колу гледачоў.

❗️На выставе таксама можна ўбачыць самі касцюмы з некалькіх гісторыка-этнаграфічных рэгіёнаў Беларусі.

Выстава будзе працаваць па 22 лістапада 2026 г.

🎟2,50р. – школьнікі, студэнты, 5р. – астатнія наведвальнікі. Экскурсійнае абслугоўванне па папярэдняй замове.
✅Уваход на адкрыццё – вольны.
📞Даведкі: +375 17 363 56 21.

З А П Р А Ш А Е М !

ВОСЕНЬСКІ НАСТРОЙ З АДРАСАМ: ЗАВОССЕ

26 верасня ў Музеі-сядзібе Міцкевічаў «Завоссе» прайшло традыцыйнае літаратурна-музычнае свята «Восень у Завоссі».

На некалькі гадзін старадаўняя сядзіба ператварылася ў вялікую творчую пляцоўку: тут гучалі вершы і музыка, праходзілі сустрэчы з літаратарамі і даследчыкамі, працавалі майстар-класы, квэсты і інтэрактыўныя пляцоўкі, а на алеі разгарнуўся «Горад майстроў».

Госці маглі наведаць лекцыі і дыскусіі, пазнаёміцца з творчасцю аўтараў з розных гарадоў Беларусі, пабываць на экскурсіях і проста пагуляць па восеньскай сядзібе.

Дзякуем усім, хто быў з намі ў гэты дзень!
І пакідаем вам гэтыя кадры – няхай яны яшчэ крыху патрымаюць атмасферу таго незабыўнага дня.

📷 Фота – Міхаіл Туміловіч. Поўная фотасправаздача – па спасылцы.