Кацярына Дубовік намінавана на Прэмію памяці Астрыд Ліндгрэн (Litteraturpriset till Astrid Lindgrens minne) — міжнародную дзіцячую літаратурную прэмію, заснаваную шведскім урадам у 2002 годзе ў гонар дзіцячай пісьменніцы Астрыд Ліндгрэн.
Прэмія штогод адзначае творцаў за іх кар'ерны ўклад альбо ўстановы за іх доўгатэрміновую ўстойлівую працу. У прыватнасці, гэта павінны быць "аўтары, ілюстратары, вусныя апавядальнікі і папулярызатары чытання", чые "творы найвышэйшай якасці і адпавядаюць духу Астрыд Ліндгрэн".
Усяго на прэмію ў 2027 годзе намінанавана 277 творцаў з 80 краін. Лаўрэаты будуць абвешчаныя 6 красавіка.
📚 Кацярына Дубовік — беларуская мастачка і ілюстратарка, лаўрэатка прэміі Цёткі, сярод аформленых ёю кніг — «Пітэр Пэн» Джэймса Мэцью Бары, «Скрозь люстэрка і што ўбачыла там Аліса» Льюіса Кэрала, «Чараўнік Краіны Оз» Лаймэна Фрэнка Баўма, «Чаму Меша не мае хаты» і «Як Меша знайшоў хвост» Надзеі Ясмінскай і іншыя.