Паэт і перакладчык Андрэй Хадановіч у межах сустрэч цыклу “Доўгая дарога дадому” паразмаўляе з пісьменнікам Альгердам Бахарэвічам, які сёлета будзе госцем Фэстывалю Бруна Шульца.
Сустрэча адбудзецца з нагоды выхаду ў Польшчы рамана “Сабакі Эўропы”, які сам пісьменьнік называе сваім opus magnum.
Перакладзеныя на польскую мову Яаннай Бэрнатовіч, “Сабакі Эўропы” спалучаюць у сабе рысы дэтэктыва, антыўтопіі, філасофскай парабалы, жахлівай казкі і рэалістычнага рамана. Зыходны пункт і адна з галоўных цікавостак кнігі – стварэнне аўтарам (і яго героем) штучнай мовы бальбута, якая ёсць своесаблівай формай лінгвістычнай свабоды, формай утопіі, што, як і ўсе іншыя, выяўляецца недасяжнай.
Размова адбудзецца па-беларуску, на польскую мову яе будзе перакладаць Жанна Нагіна.
⏰Пачатак а 17.00.
📍Клуб Proza, Przejście Garncarskie 2
Уваход вольны.