У цэнтры Якуцка адкрылі помнік расійскім салдатам, якія загінулі падчас вайны супраць Украіны. Раней там месціўся помнік прысвечаны сасланым на Сібір.

Гаворка пра шыльды з імёнамі навукоўцаў і даследчыкаў, якія былі сасланыя ў Якуцію і пасля зрабілі вялікі ўнёсак у вывучэнне мовы і культуры якуцкага народа - Вацлава Серашэўскага, Эдварда Пякарскага, Яна Чэрскага і Аляксандра Чаканоўскага.

Ян Чэрскі – шляхціц з былога ВКЛ і ўдзельнік паўстання 1863-64 гг., за што быў сасланы. Геолаг і географ, вядомы даследчык Сібіры.

Эдвард Пякарскі – таксама шляхціц з былой гістарычнай Літвы, які таксама трапіў на ссылку за вызвольную антырасійскую дзейнасць. Аўтар 13-томнага Слоўніка якуцкай мовы і прац пра якутаў ды іх край.