#падневічы #sacral_graveyard #sacral_catholic
На шляху з Ракава ў Івянец можна заўважыць на ўзвышшы сярод соснаў капліцу. Гэта пахавальня сям’і Жаброўскіх сярэдзіны ХІХ стагоддзя. Раней тут быў маёнтак Тупальшчына. Ад яго нічога не засталося, акрамя назвы ўрочышча.
Вядома, капліцу трымаюць зачыненай, але на шчасце, ўсякія шчыліны ды свідравіны дазваляюць дакрануцца да сакральных таямніц (не апошні раз давядзецца падглядаць).

На могілках пры капліцы пахаваны сам Вінцэнт Дунін-Марцінкевіч. Памёр ён у 1884 годзе, а помнік з бюстам усталяваны ў 1977-м.
Яшчэ з цікавага зноў сустрэў грыбочкі, што з пэўнага часу не даюць розуму спакою.
Рушым далей.