OLX эълонлар платформасига янги раҳбар тайинланди

TBC Bank гуруҳи Ўзбекистонда OLX эълонлар платформасини сотиб олганидан уч ой ўтиб, унинг раҳбарини алмаштирди.

Платформага 2016 йилнинг декабрь ойидан буён раҳбарлик қилиб келган Дониёр Турғунбоев ўрнига Дмитрий Пучков тайинланди.

Пучков TBC Uzbekistan экотизимига 2025 йилнинг сентябрь ойида қўшилган бўлиб, шундан буён компанияда эълонлар йўналишига раҳбарлик қилиб келаётган эди.

Маълум қилинишича, Дониёр Турғунбоев OLX компаниясида қолган, бироқ қайси лавозимда фаолият юритишига аниқлик киритилмаган.

Эслатиб ўтамиз, TBC Bank гуруҳи Ўзбекистондаги OLX эълонлар платформасини 2026 йилнинг июль ойида сотиб олган эди.

@bankir