📌 Мана маҳалла банкири амалда қандай ёрдам беради?

Каналда маҳалла банкири ва унинг фаолияти ҳақида мунтазам ёзиб боряпмиз. Бот орқали ҳам саволлар келмоқда:

«Бу тизим қандай ишлайди? Иш бошлашимга қандай ёрдам беради?»

Андижонлик Сайдулло аканинг тажрибаси бунга бир мисол.

У Агробанкнинг «Менинг халқим» кўрсатувининг навбатдаги қаҳрамони бўлди. Тўлиқ видео — шу ерда.

Сайдулло ака маҳалла банкири тавсияси билан Агробанкдан 100 млн сўм кредит олган. Ўзи йиғиб қўйган пулини ҳам қўшиб, пеноблок ишлаб чиқаришни йўлга қўйган.

Ҳозир кунига 300 тагача пеноблок тайёрламоқда. Кунлик даромади 5 млн сўмгача етмоқда.

Йиллар давомида Россияда ишлаган Сайдулло ака энди ўз маҳалласида, оиласи ва фарзандлари ёнида ишлаб, 1 000–1 500 доллар топмоқда.

Кейинги режаси — ишлаб чиқаришни кенгайтириш ва яна 4–5 кишини иш билан таъминлаш.

Сиз ҳам иш бошлашни ўйлаётган бўлсангиз, маҳалла банкирига режангизни айтинг.

Қандай ҳунарингиз бор, қандай шароитингиз бор ва нима етишмаяпти — суҳбатни шундан бошлаш мумкин.

Маҳалла банкири ҳудудингизга мос иш йўналишлари, молиялаштириш имкониятлари ва зарур ҳисоб-китоблар бўйича йўл кўрсатади.

Ҳали аниқ ғоянгиз бўлмаса, ҳижолат бўлманг.

Тайёр лойиҳаларни ҳам бирга кўриб чиқиш имконияти бор.

@bankir