Учинчи чоракда банкларнинг антивирус тизимлари 496 мингдан ортиқ зарарли дастурни аниқлади

Ўзбекистон банкларининг мобил иловаларида мижозлар қурилмаларини зарарли дастурлардан ҳимоя қилиш мақсадида антивирус тизими жорий этилган.

Ушбу тизим қурилмадаги зарарли дастурларни аниқлаб, уларнинг банк иловалари орқали мижозлар маблағларига хавф туғдиришининг олдини олишга хизмат қилади.

Марказий банк маълумотларига кўра, жорий йилнинг учинчи чорагида тизим орқали 496 мингдан ортиқ зарарли дастур аниқланган.

Шунингдек, зарарли дастурлар аниқлангани сабабли 811 мингдан ортиқ ҳолатда мижозларнинг банк иловаларидан фойдаланиши чекланган.

Зарарли дастур аниқланган қурилмаларни тозалаш бўйича Алоқабанк 103,6 мингта кўрсаткич билан етакчилик қилган.

Зарарли дастур сабабли банк иловасидан фойдаланиши чекланган мижозлар сони бўйича эса Ипак Йўли Банки 326,7 мингта ҳолат билан биринчи ўринда қайд этилган.

@bankir