🏦Hamkorbank кейси

Бизнесда кредит олиш осон қарор эмас. Айниқса, гап миллиардлар ҳақида кетса. Лекин олинган пул янги ускуна, кўпроқ ишлаб чиқариш ва янги иш ўринларига айланса-чи?

Яқинда Bankir Hamkorbank’нинг икки мижози учун ташкил қилинган пресс-турда қатнашиб, миллиардлик кредит ва лизинг бизнесда қандай ишлаганини кўрди.

18 йиллик ҳамкорлик

CHAGAY PLUS МЧЖ— этикетка ва қадоқ ишлаб чиқарадиган корхона. Mижозлари орасида Artel, Rozmetov ва Kamilka каби йирик маҳаллий брендлар бор.

Hamkorbank билан ҳамкорлик 2008 йилда бошланган. 18 йил ичида компания банкдан жами қарийб $2,2 млн эквивалентида кредит олган.

Компания вакили маълумотига кўра, кредит маблағлари ҳисобига Италиядан OMET босма ускунаси олиб келинган, импорт хомашёси харид қилинган ва ишлаб чиқариш кенгайтирилган. Ҳозир CHAGAY PLUS 3 та цехда ишлайди ва 99 кишини иш билан таъминлаган.

Лизингга меҳмонхонани жиҳозлаш

Иккинчи бизнес — UNICAP LIVING МЧЖ. Лойиҳани кўпчилик бошқа номи билан танийди: Бобур кўчасидаги янги Ramada Plaza by Wyndham Tashkent.

Меҳмонхона анча йирик - 120 та хона, 240 нафар меҳмонга жой, бассейн, SPA, ресторан, фитнес-зал ва конференциялар учун 810 квадрат метр майдон.

Бундай меҳмонхонани жиҳозлаш арзонга тушмаган. UNICAP LIVING Hamkorbank билан 2023 йилдан бери ишлайди ва лойиҳа учун қарийб $4,23 млн.лик лизинг жалб қилган.

Лизинг орқали меҳмонхона учун хориждан ускуна ва жиҳозлар олиб келинган. Меҳмонхонада 120 киши ишлайди.

Бу — Hamkorbankʼнинг 60 мингдан ортиқ фаол бизнес мижозларидан атиги иккитаси.

Масштабни тушуниш учун, Марказий банк маълумотига кўра, 2025 йилнинг ўзида Ўзбекистонда юридик шахслар ва ЯТТларга 233 трлн сўм кредит ажратилган. Бир йил олдин бу кўрсаткич 183 трлн сўм эди.

@bankir