UzAuto Motors ва UzAuto Motors Powertrain компанияларини хусусийлаштириш бўйича тез орада тендер эълон қилинади

Бу ҳақда 17 сентябрь куни бўлиб ўтган халқаро конференцияда Давлат активларини бошқариш агентлиги директори ўринбосари Алишер Миралиев маълум қилди.

Эслатиб ўтамиз, 28 августдаги Президент фармони билан ушбу икки компаниядаги давлат улушларини хусусийлаштириш жараёнини тезлаштириш белгиланган.

Фарморга кўра, Alvarez & Marsal компанияси ушбу жамиятларни хусусийлаштириш стратегиясини ишлаб чиқади ва савдо жараёнларини ташкил этади.

Бунда тўрт ой ичида савдо олдидан компанияларнинг инвестицион, ишлаб чиқариш ва молиявий ҳолати бўйича материаллар тайёрланиши керак.

Шунингдек, икки ой муддатда ҳар икки компаниянинг давлат улушларини халқаро бозорда очиқ оммавий савдога чиқариш режалаштирилган.

Савдо ғолиби аниқлангач, ҳукумат ва General Motors ўртасидаги келишувларда белгиланган шарт ва мажбуриятларни янги инвесторга ўтказиш бўйича тегишли ҳужжатларга ўзгартириш киритилиши белгиланган.

@bankir