UzAuto Motors компаниясининг бозордаги улуши камаймоқда

2026 йилнинг биринчи ярмида компания 136 072 дона автомобиль сотди. Бу ўтган йилнинг мос давридаги сотувлардан 4,2 фоизга ёки 5 897 донага кам.

Шу билан бирга, компаниянинг маҳаллий бозордаги улуши ҳам пасайиб бормоқда.

2025 йилнинг биринчи ярмида маҳаллий ишлаб чиқарувчилар томонидан сотилган жами автомобилларнинг 82,4 фоизи UzAuto Motors ҳиссасига тўғри келган бўлса, 2026 йилнинг мос даврида бу кўрсаткич 77,6 фоизга тушиб қолган.

Бундан ташқари, компания сотувларини асосан ҳамёнбоп автомобиллар, хусусан, Cobalt, Damas, Tracker, Labo ҳамда Onix моделлари таъминламоқда.

Жорий йилнинг биринчи ярмида компания сотган жами автомобилларнинг 99,1 фоизи айнан шу моделлар ҳиссасига тўғри келган.

Компания қолган моделларидан эса ушбу олти ойлик даврда атиги 1 258 дона сота олган. Шунингдек, бу даврда компаниянинг энг оммабоп Cobalt модели сотувлари 40 фоизга камайиб, 40 936 донани ташкил этган.

@bankir