Хәерле иртә, хөрмәтле укучыларыбыз! Бүген 3 август, әлеге сәгатькә булган кайбер хәбәрләрне барлыйк:

🔸Украина дроннары Владимир өлкәсендә Wildberries келәтенә һөҗүм иткән. Ширкәттә белдерүләренчә, зыян күрүчеләр юк, кешеләр эвакуацияләнгән. Шул ук вакытта өлкә губернаторы Александр Авдеев бер кеше җәрәхәтләнүе турында белдерде. Хәзер янгын сүндерү эшләре бара.

🔸Белгород өлкәсендә дрон һөҗүме нәтиҗәсендә бер бала һәлак булган, икесе төрле җәрәхәтләр алган. Бу хакта өлкә башлыгы вазифаларын вакытлыча башкаручы Александр Шуваев хәбәр итте. Дрон балалар мәйданчыгы янында шартлаган.

🔸Төнлә Белгородта дроннар эшләү һәм сынау эше белән шөгыльләнгән дәүләт технология университеты (В.Г. Шухов исемендәге БДТУ) бинасына дроннар һөҗүм ясалган. Бу хакта «Пепел Белгород» басмасы хәбәр итә. Беренчел мәгълүматларга күрә, бина тулысынча янып беткән.

🔸Пакыстанның Кабал шәһәрендә билгесез кеше полиция бинасы ишеге төбендә шартлаткыч шартлаткан. 14 кеше һәлак булган. Ким дигәндә 20 кеше яраланган.

🔸Камал театрының Мәскәүдә гастрольләре узачак. 22-27 сентябрендә Русия дәүләт академия Кече театры сәхнәсендә «Әлдермештән Әлмәндәр», «Ситса туй», «Әлфия Авзалова. Мәңгелеккә юл» спектакльләре күрсәтеләчәк.

@azatliqradiosi