Тоат

📜Ибодат — бўйсуниш, итоат ва таслим бўлишдир. У ишонч ҳосил қилишни шарт қилмайди. Зеро, сизга буюрилган ҳар бир нарсага албатта қаноат ҳосил қилишингиз ёки унинг ҳикматини англаб етишингиз шарт эмас.
Чунки одамларнинг ақл-заковати ва англаш даражаси турлича: бир кишига аён бўлган нарса бошқасига яширин бўлиши мумкин.
Итоатнинг ҳақиқий моҳияти - ҳатто унга амал қилиш сизга оғир келган пайтда ҳам буюрилган нарсани адо этишдир. Бундай ҳолда сабр қиласиз, нафсингиз билан курашасиз ва Аллоҳга таслим бўласиз.
Доимо ўз ҳақиқатимизни ўзимизга эслатиб туришимиз лозим: биз Аллоҳ таолонинг бандаларимиз. У бизга буюради биз итоат қиламиз ҳамда Унинг ҳикмати ва раҳматига ишонган ҳолда Унинг амрига таслим бўламиз.

Ҳофиз Умар Ҳофиз.

◽️Изоҳ: "Ҳеч бир мўмин ва мўмина учун Аллоҳ ва Унинг Расули бир ишга ҳукм қилганида, ўз ишларини ўзларича ихтиёр қилмоқ йўқ. Ким Аллоҳга ва Унинг Расулига осий бўлса, бас, батаҳқиқ, очиқ адашиш-ла адашибди", Аҳзоб сураси, 36 - оят.

Абу Ҳурайра розияллоҳу анҳудан ривоят қилинади: «Набий соллаллоҳу алайҳи васаллам шундай дедилар: «...Қачон бирон нарсадан сизларни қайтарсам, ундан четланинглар. Қачон сизларни бирон ишга буюрсам, кучингиз етганича уни бажаринглар!». Имом Бухорий ривояти.

@arabicuz

iOS | Android
Instagram | Facebook | Twitter | Tiktok | Youtube