давоми

Расулуллоҳ солллаллоҳу алайҳи васаллам Роббилари билан намозда энг юқори хушуъ, завқда бўлардилар. Бир куни намоз асносида гўдакнинг йиғисини эшитиб қолдилар ва дарҳол одатларидан ташқари гўдакка раҳмлари келиб, оятни қисқа ўқиб, намозни тез тугатдилар.
Анас ибн Молик розияллоҳу анҳудан ривоят қилинади:«Набий соллаллоҳу алайҳи васаллам: «Мен намозни узун ўқимоқчи бўлиб бошлайман-да, гўдак йиғисини эшитиб қолиб, йиғиси сабабли онасининг қаттиқ изтиробга тушишини билганимдан, (намозни) енгил қиламан», дедилар». Имом Бухорий ривояти.
Аллоҳга дуо қилсангиз жуда лутфу-марҳаматли, мулойим ва меҳрибонлик билан дуо қилинг.
   Аллоҳнинг халқига мулойим ва марҳаматли бўлинг, шундагина Аллоҳга яқин бўласиз.
Аллоҳ барча илму қудратларида, мавжудотларида, тасарруфотларида ва жамики ишларида жуда мулойим ва марҳаматли Зотдир.

Доктор Муҳаммад Ротиб Наблусийнинг "Аллоҳнинг гўзал исмлари" номли асари асосида.

@arabicuz