Аӡахәабӷьы хәшәуп ҳәа рыԥхьаӡон аԥсуаа.

Ахьҭа зцәа иалоу аӡахәабӷьы ршны ижәлар илнацоит рҳәон. Умгәа анеиласлакгьы уеиҿанакуан (ижәтәын акрыфаншьҭахь).

Ахәдахьаа акәзар, ирхәышәтәуан абас: хԥа-ԥшьа бӷьы х-ҵәыцак аӡы наҵаҭәаны агәараҳәа идыршуан, ианҟәандахалак рыхәда шәымзар, иҭдыршон, ҽнак хынтә-ԥшьынтә.

Аԥхын арҵәы аӡы лассы ибжьысыр алшоит, уи азы аӡахәабӷьы аларҵон, акыраамҭа иԥхасҭамхарц.

🍇 Аӡахәааӡара ашьаҭа ахьакыз аҭыԥқәа ирхыԥхьаӡалоуп Аԥсны. Абнаӡахәа ара иҿион апалеолит аахыс, ирааӡо иалагеит аџьаз аамҭа инаркны.

Ахыҵхырҭа: Цира Габниа «Амифи аритуали»

🧡 Ахьыуардын шәақәтәа