✏️ Гхада иҳаҩлап

Анаԥхгаҩы❌ – Анапхгаҩы ✅

Ари ажәа мариоуп, аха иҟоуп ииашамкәа изыҩуа. Анапхгаҩы́ (руководитель) – анапхгара́ аҟынтә иаауеит, "анапы ахгара" (руководить, "рукой водить"), анбан -ԥ- ара ус амаӡам. Знык абри гәнызкылаз уаҳа агха ихьуам.

Анапы аханатә "амапы́" ҳәа акәын ишырҳәоз, ҳбызшәаҿы ари ашьаҭа иахылҿиааз ажәақәа даараӡа ирацәоуп. Иҟалап, амал, амазара, исымоуп (снапы иакуп) реиԥш иҟоу аилкаарақәагьы анапы иадҳәалазар. Ирымҳәои "амал-шьал" ҳәа, -ма, -шьа араҟа анапи-ашьапи иртәышьҭразар ауеит, ус иҟоу ажәақәа ҳбызшәа иалоуп:

📖
Мацқьа-шьа́цқьа – чистоплотный
Амагә-шьа́гә – человек с физическими недостатками
Напышьашәа́ла – врукопашную
Анапҟьа́-шьапҟьара – жестикулировать

Ишакәхалакгьы, хыхь ижәбо абыӷьшәаҿы иааҳгоит реиҳа аинтерес зҵоу ҳәа ҳгәы иззаанагаз, насгьы гәыҩбара зцым ажәарыԥхрақәа.

Даара уархәыцуеит ԥшь-хәҭакны еиҿартәоу ажәа "амару́га" (инструмент) – а-ма-р-у-га (унапы аус азыруа акы), -м араҟа амапкратә формоуп иаанарԥшуа ҳәа иҳамазкуа ҟаларгьы, логикала уахәаԥшуазар, анапоуп изыдҳәалоу.

Ахыҵхырҭа: Аԥсуа-аурыс жәар. Еиқәиршәеит Владимир Касланӡиа. Аҟәа, 2005.

#ажәарыԥхрақәа

🧡 Ахьыуардын шәақәтәа