Хыхьтәи ҳанҵамҭа хаҭәаахом, абри ҳамҳәар:

Ҵоуп, агыршәа иалоуп ажәа "какали", аха уи иаанагаӡом, акакан аԥсышәам ҳәа. Ажәа иаланагалаз анакәу, аҵакы ҭшәоуп, иалкаау хархәашьак ауп иамоу: иаҳҳәап "а́гәнаҳа" (грех), тиурк ажәоуп, "агәы" иадҳәалаӡам.

Акака́н акәзар, ажәахырҿиаарала ибеиоуп, аҵакқәагьы акы аасҭа еиҳауп. Актәи аҵакы акакан иуфо, аҩбатәи акакан/акан иуҿаԥсо (веснушки), ахԥатәигьы ака́н – чешуя.

Ара злоу ажәақәа: ара́ԥа (незрелый орех и его зеленая наружная скорлупа), арашы́ (ореховый соус), Раԥарбаа́ (сентябрь), Раҟәы́бан (октябрь), ара́мҿыӷ (ранний сорт гр. ореха), араса́ц (плод фундука), араса́гәыгә (поросль фундука), араса́ԥса (сережки лещины) уҳәа иҵегь акыр.

🔍Атопонимқәа: Араҿарра, Араду, Аракьаҿы, Кәач-ира, Раԥыҵа, Раԥырбаа (Ԥсҳәы иаҵанакуа ҭыԥхьӡуп); Ҳәаадыкакан (Блабырхәа иатәуп), Расӡахы, Расагәарҭа уҳәа убас егьырҭгьы.

🧡 Ахьыуардын шәақәтәа