Аԥсны "Страна души" акәымзар изакәи нас?

Аԥсны – аԥсуа дахьану ауп (Страна абхазов). Асуффикс -ны аҭыԥтә ҵакы аманы иахьаҳԥыло атопонимқәеи иара ус ажәақәеи рацәоуп, дара зегь адгьыл иадҳәалоуп: Лыхны, Зыхәны (Черкессия), Агырны (Мегрелия) Аԥшьдәаны, аҩны-адәны. Ари еилкаауп, имариоуп.

Аха аетноним "аԥсуа" иаанаго аҿоуп ауадаҩрақәа ахьцәырҵуа, ҳмилаҭ хьыӡ ахьынтәаауа ҳәа быжьба-ааба версиа ыҟоуп, ари азҵаара иазкны згәаанагара зымҳәац ҳҵарауаа маҷуп. Абра иааҳгоит реиҳа аҵабырг иазааигәоу ҳәа иаҳԥхьаӡо аверсиақәа хԥа:

🔹Аԥсуа – аԥсы + уа (смертный человек)
🔹Аԥсуа – ԥсы + уа (человек воды, живущий у воды)
🔹Аԥсуа – абыз + уа (бызшәак ала ицәажәо, збызшәа еибакуа зегьы – человек одного со мной языка)

Аԥсы (душа) ажәахырҿиаарала ибеиоуп, аха зегь зыдҳәалоу ҵакык ауп – ауаҩы, иара убас Анцәа иишаз зыԥсы ҭоу зегьы (божьи творения): аԥсҭазаара (жизнь), аԥсымҭәра (ненасытность), аԥсыцәгьара (жадность), аԥсмаҷхара (обморок), аԥсшьара (отдых "почитание души"), аԥсеивгара (отдышаться), аԥсеилахара (занятость), аԥсҭгара (вылавливание души утопленника) уҳәа.

Егьырахь зехьынџьара иҟоу -ԥс’ы ауп ишәышәуа-ишышуа аспирант -с’ злоу:

Аԥсны, аԥсуа, аԥсабара (природа, аԥсы аԥара – сыновья воды, все, рожденное водой), аԥса (сосна), аԥса (штык), аԥсҭа (ущелье), аԥсыӡ (рыба), аԥсҭҳәа (облако), аԥсы (мертвый) уҳәа убас даара акыр ирацәаны.

Иарбанзаалак абызшәа аматематика иеиԥшуп, ари системоуп, уара ишуҭаху еиԥш иузынарҳәаарҳәӡом, иара иаҳәо аҳәоит.

Насгьы, а́ԥсуа "человек души" аанагозҭгьы, егьырҭ амилаҭқәа ԥсы рхаӡам ҳәа акәхозма иаҳәоз? Ус ҟалашьа аиуӡомызт, алогика иацааиуам.

🧡 Ахьыуардын шәақәтәа