#ДИҚҚАТ, ЭЪЛОН!

Избоскан туманида янги радар қурилмаси ўрнатилди

Андижон вилояти Избоскан туманидаги “Куйганёр” МФЙ ҳудудидан ўтувчи D-109 «Наманган шаҳри — Уйчи — Учқўрғон — Ҳаққулобод — Андижон шаҳри» автомобиль йўлининг 81-километрига йўл ҳаракати хавфсизлигини таъминлаш ҳамда қоидабузарликларни автоматлаштирилган тарзда аниқлаш мақсадида «Радар» қурилмаси ўрнатилди.

Мазкур қурилма қуйидаги йўл ҳаракати қоидабузарликларини фото-видео қайд этиш орқали аниқлайди:

▪️ Йўлнинг ётиқ чизиқлари талабларига риоя этмаслик;

▪️ Светофорнинг тақиқловчи ишорасига амал қилмаслик;

▪️ Қарама-қарши ҳаракатланиш йўлагига чиқиш;

▪️ Белгиланган ҳаракат тезлигини ошириш.

Ҳурматли ҳайдовчилар! Йўл ҳаракати қоидаларига қатъий амал қилинг, белгиланган тезлик меъёрини сақланг ва бошқа йўл ҳаракати иштирокчиларига нисбатан ҳурмат билан муносабатда бўлинг.

Унутманг: йўл қоидаларига амал қилиш — ўз ҳаётингиз ва ўзгалар хавфсизлигини асраш демакдир!

Андижон вилояти ИИБ ЖХХ ЙҲХБ Ахборот хизмати