Андижон — Витебск: чорвачилик соҳасида янги ҳамкорлик лойиҳаси

Андижон ва Витебск вилоятлари ўртасидаги ҳамкорлик амалий лойиҳалар билан бойимоқда. Беларусь Республикасининг Ушачи туманида ташкил этилган «Андижон маяк» масъулияти чекланган жамияти ана шундай ташаббуслардан биридир.

Витебск вилояти ижроия қўмитаси раиси Александр Рогожник ва Андижон вилояти ҳокими Шуҳратбек Абдураҳмонов мазкур туманга ташриф буюрди.
Бу ерда ўзбекистонлик инвесторлар қорамол етиштириш йўналишида фаолият йўлга қўйишни режалаштирмоқда.

Мазкур ташаббус икки ҳудуднинг аграр соҳадаги имкониятларини бирлаштириш, ўзаро тажриба алмашиш ва инвестициявий ҳамкорликни кенгайтиришга хизмат қилиши кутилмоқда.

Ташриф давомида томонлар ҳамкорлик истиқболлари ҳамда чорвачилик йўналишидаги лойиҳани ривожлантириш имкониятларини муҳокама қилди.

Andijan.uz|Facebook|Instagram|Youtube|X