ADPI TALABALARI BELARUSDA O‘QUV MASHG‘ULOTLARIDA FAOL ISHTIROK ETMOQDA

Andijon davlat pedagogika instituti talabalarining Belarus Respublikasidagi akademik mobillik doirasidagi amaliyoti davom etmoqda. Talabalar xorijiy oliy ta’lim muassasasida tashkil etilayotgan o‘quv mashg‘ulotlarida faol ishtirok etib, o‘z bilim va ko‘nikmalarini yanada mustahkamlamoqda.

Mashg‘ulotlar davomida talabalar matematika va axborot texnologiyalari yo‘nalishlariga oid fanlarni o‘rganish, zamonaviy ta’lim metodlari bilan tanishish hamda nazariy bilimlarini amaliyot bilan bog‘lash imkoniyatiga ega bo‘lmoqda. Shuningdek, dars jarayonlarida o‘z fikrlarini bildirish, topshiriqlarni bajarish va xorijlik talabalar bilan tajriba almashishga alohida e’tibor qaratilmoqda.

Mazkur akademik mobillik talabalarning kasbiy bilimlarini boyitish, mustaqil fikrlash qobiliyatini rivojlantirish hamda xalqaro ta’lim tajribasini o‘zlashtirishida muhim ahamiyat kasb etadi.

ADPI talabalarining Belarusdagi o‘quv mashg‘ulotlarida faol qatnashayotgani ularning kasbiy salohiyatini oshirish va kelajakdagi pedagogik faoliyati uchun zarur tajribalarni egallashiga xizmat qilmoqda.

🟦Rasmiy sahifalarimizni kuzatib boring
🟦Telegram🟦Facebook🟦Instagram🟦YouTube