🟩🟩🟩🟩🟩🟩🟩🟩🟩🟩

Andijon davlat pedagogika institutida “APK Qo‘riqchi” mobil ilovasi bo‘yicha targ‘ibot tadbiri o‘tkazildi

Andijon davlat pedagogika institutida O‘zbekiston Respublikasi Ichki ishlar vazirligi huzuridagi Jazoni ijro etish departamentining 3-son tergov hibsxonasi mas’ul xodimlari ishtirokida targ‘ibot tadbiri o‘tkazildi.

Tadbirda mazkur muassasa bo‘lim boshlig‘i, podpolkovnik Umarjon Xusanov hamda katta tezkor vakil, mayor Ulug‘bek Abdurahmonov ishtirok etib, institut talabalari o‘rtasida “APK Qo‘riqchi” mobil ilovasidan foydalanish va unga ulanish tartibi bo‘yicha tushuntirish hamda targ‘ibot ishlarini olib bordilar.

Tadbir davomida talabalarga mobil ilovaning imkoniyatlari, undan foydalanish tartibi va amaliy ahamiyati yuzasidan ma’lumotlar berildi. Shuningdek, yoshlarning huquqiy savodxonligini oshirish va ularda xavfsizlikka oid masalalarda mas’uliyatli munosabatni shakllantirishga alohida e’tibor qaratildi.

Mazkur targ‘ibot tadbiri talabalarni mobil ilovadan foydalanish imkoniyatlari bilan tanishtirish hamda ular o‘rtasida tegishli tushuntirish ishlarini olib borishga xizmat qildi.

🟦Rasmiy sahifalarimizni kuzatib boring
🟦Telegram🟦Facebook🟦Instagram🟦YouTube