لیلا_قلیزاده «دورنا»
قلم ایچی دولو ،الده خزینه
یازار غمین، سؤزون آغ کاغیذ اوسته،
گیزلی سؤزلر سوسار دیلین تئلینده،
دۆزر سؤزون دۆزون آغ کاغیذ اوسته
قلم بیر دَنیز دیر، فیکیر بیر آدا،
سؤز گمیسی باتار سونسوز دۆنیادا.
نه قه‌در یازسام دا قالماز آرادا،
سۆزر قلم اؤزون آغ کاغیذ اوسته.
قلم قوش‌دور وورار صفحه‌یه پنجه
سطیرلره وئرر روح بیرجه ــ بیرجه
قلم بولود یاغار هئی اینجه ــ اینجه
دامجیلایار یۆزون آغ کاغیذ اوسته
https://t.me/Adabiyyatsevanlar
Post #30836
336