سوسن امینی
کوکون سسی


کولک اَسنده
کؤکسوز آغاجین بوداقلاری
بیر- بیر دیل آچیر،
بوداقلارین یارالی سسی
سنین اوره‌ییندن اوجالیر.
کؤکلو آغاجا‌ ایسه
فیرتینا قوپسا دا،
سنه چاتان آنجاق،
یارپاقلارین شن سسی‌ اولور،
حیاتین زومزومه‌سی‌ اولور.
بیلیرسنمی؟!
بو کؤک
تورپاغین اَن درین اوره‌یینده
یاشادیر اؤزونو، سسینی،
سسسیزلیین ایچیندن اوجالدیر
حیات نغمه‌سینی؛
نئجه‌کی،
درینلیک
سس‌سیزلیک
سئودیریر، یاشادیر سنی!
تیر ۱۴۰۵
قایناق:ایشیق سایتی

https://t.me/Adabiyyatsevanlar