زرین رزندی(طناز)

قایا تک دایاندیق ناحق اوُنونده

دایاق اولدوق خلقه آجی گونونده

ساختاکار،قولدورلار تله قوردولار

بیزی تورا سالان،دوشه جک تورا



ظالیم لر اَیله شیب،شاهلیق تختینه

مظلوم هوُنکور-هوُنکور آغلیر بختینه

جوُمردلر دوستاقدا کیم سیز-کیمسه سیز

ساتقین قارداش،وورور اوُلومجول یارا


کیمی نین قارنی آج،کیمی چیلپاق دیر

تیکان جوری چکن،یالین ایاق دیر

دیله نیر روزونو،زیبیل قابیندان

دالغین دیلک لری گوُمولور گوُرا



هئچ بیلمه دیک،کور یاشاییش دا نه وار؟!

قالدی گوُزوموزده،بوتون آرزولار

عوُمورده یوخ به هر،حایات دا ثمر

باشی هارالاردیر؟دیبیسه هارا؟



دوُز دوغاجاق بوردا اوُ پارلاق گونش


سازاق سنی بوُغار،یاندیران آتش

سورمه یه جک دوام،قارلی-سویوق قیش

یاز گله جک بیر گون یئنی دن بورا.

https://t.me/Adabiyyatsevanlar