Zafarbek Solijonov

Зойир тоғадан ибратли воқеа.

👉 @Zafarbek_Solijonov

Янги Kia Sonet Prime — ёрқин услуб ва ҳар кунлик қулайлик! 🚘

Энди қулай муддатли тўлов шартларида:
🔥 Ойлик тўлов — 5 997 778 сўмдан
✔️ Бошланғич тўлов — 60%
✔️ Муддат — 18 ой | Йиллик 0% ставка
Бепул тест-драйвга ёзилинг ва тўлов жадвалини олинг!

📍 Kia Ahmad Donish
📞 +998 (55)500-68-86
Шартлар индивидуал ҳисобланади. Суғурта мажбурий.

Украина дронлари билан сийланган Wildberries компанияси Ўзбекистоннинг "UzPost" компаниясининг қарийб 93 % давлат улушини 1 йилга ишончли бошқарувга олгани айтиляпти. Мазкур хабар жамоатчилик фаоллари томонидан салбий қаршиланаётганини ҳам тўғри тушуниш керак. Ҳавотирлар нимада?

Биринчидан, ​"UzPost" шунчаки етказиб бериш хизматимас. У бутун мамлакат бўйлаб (чекка қишлоқларгача) энг кенг тарқалган инфратузилмага ва фуқароларнинг шахсий маълумотлари, посилка оқимлари ҳақидаги стратегик ахборот базасига эга. Бундай инфратузилманинг хорижий, бўлибам Украина нишонида турган компанияга ишончли бошқарувга берилиши киберхавфсизлик ва маълумотлар суверенитети нуқтаи назаридан синчковлик билан назорат қилинишини талаб этмайдими?

Иккинчидан, Wildberries — шунчаки логистика оператори эмас, у электрон тижорат (маркетплейс) соҳасидаги бевосита иштирокчи ва сотувчи. ​Электрон тижоратда энг катта хавфлардан бири — бу сотувчи ва логистнинг ягона субъектга айланишимасми? Агар Wildberries миллий почта инфратузилмасини бошқарса, у ўз маркетплейсидаги товарларга приоритет (афзаллик) бериши, логистика нархларини ўзи учун арзонлаштириб, бошқа маҳаллий маркетплейслар (масалан, Uzum, Asaxiy, ZoodMall ва бошқалар) ёки логистика оператори хизматидан фойдаланувчи рақобатчилар учун нарх ва шартларни мураккаблаштириши мумкинми? ​Бу ҳолат вертикал интеграциялашган монополия тушунчасига тўғри келмайдими?

Учинчидан, агар Wildberries миллий логистикани ўз фойдасига мослаштирса, бу маҳаллий электрон тижорат ва логистика компанияларига катта зарба бўлмайдими? Улкан капиталга эга минтақавий гигант билан ягона логистик тармоқда тенг рақобатлашиш маҳаллий бизнес учун жуда қийин кечмайдими? Рақобат қўмитаси вазиятни назорат қила оладими?

Тўртинчидан, бор йўғи бир йил синовдир дерсиз. Унда нега бу синов аввал ўзимизнинг маҳаллий компаниялар билан ўтказилмади? Масалан Италия тажрибаси. Давлат улушини сақлаб қолган ҳолда акцияларни биржага олиб чиқди ва тизимни фақат посилка эмас, балки банк ва суғурта хизматлари билан кенгайтирди. Ёки қўшнимиз Қозоғистон. Kazpost мустақил равишда ўз почтоматлар тармоғини кенгайтирди ва бошқа ҳеч қайси маркетплейсга алоҳида афзаллик (преференция) бермади. Шунақароқ тажрибалар қилиб кўрсак яхшимасмиди?

Ва охиргиси. Бир йиллик муддат тугагач, нима бўлади? 1 йил давомида UzPost’нинг IT-тизими, саралаш марказлари ва логистик алгоритмлари Wildberries стандартларига тўлиқ мослаштирилади ва боғлаб қўйиладими? Муддат тугагач, давлат бошқарувни қайтариб олмоқчи бўлса, тизимни қайта ажратиш (unbundling) жуда қимматга тушиши ёки оператив тўхтаб қолишга олиб келиши мумкинми? Wildberries бу ҳолатдан фойдаланиб, давлатга ўз шартларини ўтказишда, муддатни янада узайтиришда ёки улушни сув текинга сотиб олишда ричаг сифатида фойдаланиши мумкинми? Бу саволларга масъуллар нима дейди?

👉 @Zafarbek_Solijonov

Лолазор подкастга навбатдаги меҳмон номи аниқ😂

Хушнудбек Худайбердиев — Президент Администрацияси Коммуникациялар департаменти раҳбари ўринбосари этиб тайинланди.

Табриклаймиз, қутлаймиз ва қўллаймиз!

👉 @Zafarbek_Solijonov

Хушнуд ака Худайбердиев Таълим вазири ўринбосари бўлиб кетсами?)

Муносиб номзод

👉 @Zafarbek_Solijonov

Саида Мирзиёева Туркия миссиясида

Ўзбекистон Президенти Администрацияси раҳбари Саида Мирзиёева Туркияга амалий ташрифи доирасида мамлакат Президенти Ражаб Таййип Эрдўған томонидан қабул қилинди. Унга давлатимиз раҳбари Шавкат Мирзиёевнинг самимий тилакларини етказди. Мулоқот чоғида икки қардош мамлакат ўртасидаги дўстлик ва стратегик шериклик алоқаларини янада мустаҳкамлаш истиқболлари муҳокама қилинди. Олий даражадаги бундай мулоқотлар Тошкент ва Анқара ўртасидаги сиёсий ишонч юқори босқичга кўтарилганини ҳамда икки томонлама ҳамкорлик кўлами изчил кенгайиб бораётганини англатади.

Ташрифнинг муҳим қисми таълим ва юқори технологиялар соҳасидаги тажрибани ўрганишга қаратилди. Нажмиддин Билол Эрдўған ҳамроҳлигида Ибн Халдун университети ва «Yenidoğu» мактабида бўлган С.Мирзиёева ушбу муассасаларнинг замонавий ўқитиш услублари ва ёшларнинг иқтидорини рўёбга чиқаришга қаратилган ёндашувларига юқори баҳо берди. Таълим соҳасида ўқувчилар, талабалар ва педагоглар учун янги имкониятлар яратиш ҳамда тажриба алмашишни йўлга қўйиш бўйича келишувларга эришилди. Бу эса икки мамлакат ёшлари ўртасидаги маданий-гуманитар алоқаларни янги босқичга олиб чиқишга хизмат қилади.

Бундан ташқари, ПА раҳбари Туркиянинг етакчи «Baykar» компанияси мажмуасига бориб, мудофаа саноати ва юқори технологиялар соҳасидаги илғор лойиҳалар билан танишди. Кўп йиллик илмий изланшлар ва миллий технологияларга киритилган инвестициялар маҳсули бўлган бундай муваффақиятлар Ўзбекистон учун ҳам муҳим амалий аҳамиятга эга экани таъкидланди. Соҳа экспертлари ўртасида тажриба алмашиш ва қўшма технологик лойиҳаларни амалга ошириш истиқболлари белгилаб олинди. Бу эса Ўзбекистоннинг саноат ва инновацион салоҳиятини оширишда муҳим омил бўлади.

👉 @Zafarbek_Solijonov

Туризм қўмитаси раиси Абдулазиз Акқулов ва “ACWA Power” бошқаруви раиси Муҳаммад Абунайян ўртасидаги учрашув шунчаки тармоқлараро музокара эмас, балки Саудия Арабистонининг Ўзбекистондаги инвестиция портфели энергетика соҳасидан туризм ва инфратузилмага қараб диверсификация қилинаётганининг яққол ифодаси. Июнь ойида қабул қилинган Ҳаракатлар режасига мувофиқ, туризм ҳудудларининг бош режаларини ишлаб чиқиш ва давлат-хусусий шериклик лойиҳаларига Саудия капиталини жалб қилиш орқали соҳа инфратузилмасини халқаро стандартларга олиб чиқиш мақсад қилинган.

Музокаралардаги энг стратегик қадамлардан бири — Ар-Риёддаги “Boulevard World” мажмуасида Ўзбекистоннинг доимий павильонини ташкил этиш таклифи бўлди. Бу лойиҳа шунчаки маданий кўргазма эмас, балки Яқин Шарқдаги юқори тўлов қобилиятига эга сайёҳларга ўзбек маданий меросини намойиш этиш ҳамда турпакетларни тўғридан-тўғри харид қилиш имконини берувчи тижорий ва PR платформасига айланади. Viza тартибларини соддалаштириш ва мақсадли рақамли тарғибот кампанияларини ўтказиш эса бу йўналишдаги сайёҳлар оқимини кескин оширишга хизмат қилади.

Шунингдек, икки мамлакат ўртасидаги йирик тадбирлар тақвимини мувофиқлаштириш ва Тошкент халқаро туризм ярмаркаси доирасида илк бор ўтказиладиган Халқаро туризм инвкстиция форумига Саудия инвесторларини жалб қилиш геоиқтисодий нуқтаи назардан ўта муҳимдир. Бу «Vision 2030» дастури доирасида сармоя киритувчи Саудия капитали учун Марказий Осиёда хавфсиз ва истиқболли майдон яратиш билан бирга, икки минтақа ўртасидаги иқтисодий ва маданий кўприкни янада мустаҳкамлайди.

Манба

👉 @Zafarbek_Solijonov

Сирдарёнинг янги ҳокими ўз вазифасига киришди

👉 @Zafarbek_Solijonov

Иситиш мавсуми олдидан эҳтиёжманд оилаларга 1 миллион сўмлик ёрдам: мезонлар ва тартиб

Жамоатчилик муҳокамасига қўйилган Президент фармони лойиҳасига кўра, ноябрь ойида эҳтиёжманд оилаларга 1 млн сўмдан бир марталик моддий ёрдам берилиши режалаштирилмоқда. Ёрдам Ижтимоий реестрдаги оилалар билан бирга, реестрга кирмаган, лекин оилада жон бошига ойлик даромади МИХнинг 2 бараваридан ошмайдиган оилаларга ҳам берилади.

Марказлашган иситишга уланган кўп қаватли уйларда яшовчи оилалар учун алоҳида мезон назарда тутилган: Қорақалпоғистон ва вилоятларда МИХнинг 2 баравари, Тошкент шаҳрида эса МИХнинг 3 баравари. Шунингдек, ёлғиз кексалар, ўзгалар парваришига муҳтож ёлғиз яшовчилар ва ногиронлиги бўлган шахслар, етим ва ота-она қарамоғидан маҳрум болалар яшаётган оилалар ҳам ёрдам олади.

Реестрга кирмаган оилалар рўйхати «маҳалла еттилиги» хулосаси ва электрон текширув асосида 1 ноябргача шакллантирилади. Бунда боқувчисини йўқотган, ногиронлиги бўлган фарзандини парваришлаётган оилаларга устуворлик берилади. Маблағ 30 ноябргача ижтимоий ёки банк карталарига ўтказилади.

Бундан ташқари, Вазирлар Маҳкамасининг алоҳида қарор лойиҳасида 1 ноябрдан аҳоли учун иситиш ва иссиқ сув хизматларига янги тарифлар жорий этиш таклиф этилган.

👉 @Zafarbek_Solijonov

Болаларни зўравонликдан ҳимоя қилиш қонунчилиги кучайтирилди

Саида Мирзиёеванинг баёноти Ўзбекистон жиноят ва фуқаролик қонунчилигидаги илгари сурилган фундаментал ўзгаришларнинг моҳиятини акс эттиради. Бир вақтнинг ўзида 5 та кодекс ва 6 та қонунга тузатишлар киритилиши — ҳуқуқий тизим комплекс равишда қайта кўриб чиқилганидан далолат. Қонунчиликда зўравонлик содир этган шахснинг мақоми (таълим муассасаси ходими ёки яқин қариндоши) жавобгарликни енгиллаштирмаслиги белгилангани «қонун олдида тенглик» ва «жазонинг муқаррарлиги» принципларини амалда қатьий таъминлайди.

14 ёшга тўлмаган болаларга нисбатан жинсий зоравонлик учун 25 йилгача озодликдан маҳрум қилиш ёки умрбод қамоқ жазоси белгилангани, шунингдек, ушбу жиноятлар бўйича жавобгарликка тортиш муддати бекор қилингани жиноят-ҳуқуқий сиёсат кескинлашганини кўрсатади. Вақт ўтиши айбдорни жавобгарликдан озод этмаслиги ҳуқуқий тизимнинг превентив (жиноятнинг олдини олувчи) функциясини кучайтириб, тийиб турувчи муҳим омилга айланади.

Бола ўлимига сабаб бўлган жиноятлар учун жазонинг енгиллаштирилмаслиги шартли равишда муддатидан илгари озод қилиш ёки жазони енгилроғига алмаштириш механизми бундай шахсларга нисбатан қўлланилмаслигини англатади. Бу ёндашув ҳуқуқий устуворликни жиноятчи манфаатидан боланинг ҳаёти, соғлиғи ва қадр-қимматини мутлақ ҳимоя қилишга йўналтиради ҳамда мамлакатнинг БМТнинг Бола ҳуқуқлари тўғрисидаги конвенсияси бўйича халқаро мажбуриятларига тўлиқ мос келади. Болалар бизнинг келажагимиз жумласини амалда исботлашдаги ПАдан тезкор ва жуда катта қадам😎

👉 @Zafarbek_Solijonov

Ўзбекистондаги маданий хилма-хиллик кучи

Амина Маҳмудова деган қизимиз “Татар қизи 2026” халқаро танловида қатнашиб, бош совринни илиб кетибди.

Одам ҳавас қилади. Тилни билган, ўз тарихини ҳурмат қилган қиз мана шундай муносиб тақдирланибди. Саҳнада туриб биринчи бўлиб ота-онасига раҳмат айтгани эса тарбияси жойида эканини кўрсатди.

Қоидага кўра, энди кейинги йил халқаро танлов Тошкентда ўтади.

Аминага гап йўқ!

👉 @Zafarbek_Solijonov