Yusuf Abdullaev | Blog

Endi MacMini kerak emas.

Amphetamine dasturi Macbook ekrani yopilganda ham o'chmasligini ta'minlab berarkan. Dasturni o'rnatgandan keyin Start session qilasiz, va Current session uchun hamma checkboxlarni o'chirasiz (asosiysi Allow system sleep when display is closed o'chirilishi kerak).

Caffeine ham yaxshi deyishdi, lekin uni ishlata olmadim.

@yusufblogs

10 kun oldin paywall va o'yinlar qo'shilgan versiyani Play Storega chiqarib edim. Paywallda qoldirgan kontaktimga potensial paying userlar yozyapti. O'zbekiston bozori digital mahsulotlarga pul to'lash nuqtai nazaridan qiyinroq ekan, aktiv sales va marketing qilinmasa konversiya juda past tuyulyapti. Lekin kichkina qiziqish borligi ham davom etishga motivatsiya bermoqda.

Ruscha Gaps loyihasi davomida ko'pgina common practice narsalarni asli mohiyatini va qanday muammoni hal qilishini o'z tajribamda ko'ryapman. Birinchi versiyani chiqarganda qisman ataylab uni ideallashtirmagandim, UI/UX ham, engineering yechimlar ham minimum edi, haqiqiy MVP. Endi force update, paywall, onboarding, app store distributionga o'xshash, dasturchi sifatida uncha ko'p o'ylanib o'tirmaydigan konseptlarni chuqurroq o'rganyapman.

Mavzuga oid yangiliklardan, Play Store 14 Sentyabrdan O'zbekistondagi userlar uchun narxlarni so'mda ko'rsata boshlarkan. Balki so'm kartalarni ham qabul qila boshlar.

@yusufblogs

Demo time

Qurayotgan dasturimdan kichkina demo, feedback va takliflaringizni kutib qolaman.

Bu ishlarni bajarish jarayonida hech birorta AI-agent shikastlanmadi (ozgina so'kdim xolos).

5 yulduzcha rating bersangiz nur ustiga a'lo nur, rating 4-dan tushib ketibdi:

https://play.google.com/store/apps/details?id=app.qomus.compose

DAU: 300
MAU: 4700
WAU: 1700
MRR: $0.00🌟

@yusufblogs

Coffee tales☕️☕️☕️

Toshkent elitasi hozir qayerda yig'ilyalti degan savol bo'lsa, hamma Shavida.

Endi men ham odamlarni o'rtog'iday kofelar ichyapman, lekin codex limitlar baribir tugamayapti.

Rasmda a mind guy with curious uzbek.

@yusufblogs

Biz seni boy qilishga tayyormiz deyaptiku

GDG Tashkentda har qanaqa xalyava narsalarga "Google pays" der edik, endi haqiqiy Google pays boshlanar?

@yusufblogs

Bu natijaga marketing budget saflansa, o'rtacha $2500-4000 xarajat bo'lgan bo'lardi.

Shu haqida Linkedinda post yozdim: https://lnkd.in/p/dJM_Fbis.

Show some love, like bosganlarga qalban like, komment yozganlarga rahmatnoma (PDF yoki telegram audio shaklida).

@yusufblogs

Organic o'sish to'xtamayapti. Umumiy install 7000+, active userbase 4000+ bo'libdi.

What's next?

@yusufblogs

Take notes

Maktab kollejlarda bizni konspekt qilishga majburlashadi, lekin odatda bu shunchaki eshitganingizni yozish yoki kitobdagini ko'chirish. Aslida note-taking juda kuchli hunar, u sizni boshqalardan ajratib turadigan qurolingiz bo'lishi mumkin. Korporatsiyada ishlash odatda katta kontekstni miyada ushlashni talab qiladi: loyiha bo'yicha kelishuvlar o'z jamoangiz bilan, birga ishlaydigan boshqa jamoalar bilan, ba'zan kompaniyaning qismi bo'lmagan third-party jamoalar bilan ham bo'ladi. Buning ustiga bir vaqtning o'zida bir nechta loyiha (project) ustida ishlash ham oddiy hol: eski loyiha hali oxiriga yetib yopilmagan, hozirgisi aktiv development fazasida, kelasilarni esa hozirdan rejalashtirish kerak. Bunday tempda odamlar bilan kelishuvlar juda ko'p bo'ladi, online va oflayn mitinglarda har kuni o'nlab kelishuv va qarorlar qabul qilinadi. Endi tasavvur qiling – bular hammasi faqatgina kimningdir miyasida, hech qayerda yozilmagan. Bunday holatda odamlarga bog'liqlik juda baland bo'ladi, kimdir aloqaga chiqmay qolsa butun jamoa va loyiha bloklanib qoladi.

Kompaniyadagi shaxsiy rivojlanish uchun ham notetaking muhim skill. Menejerim bilan har hafta 1:1 meeting qilardik va har xil mavzular muhokama qilinardi. Bu meetinglarda gaplashganlarimiz yozilmasa, shu kunni o'zida esdan chiqardi, chunki ishda kontekst juda ko'p edi. Har hafta uchrashganda notelar oldingi mavzularga qaytib, progress bor yo'qligini, muammolar hali ham aktual yoki yo'qligini recover qila olardik.

Note taking faqat meeting paytida emas, undan oldin ham qilinishi mumkin. Bu asosan uchrashuv mavzusi va agendasini tuzish ko'rinishida bo'ladi. Ayniqsa dasturchi va injenerlar uchrashuvning asosiy mavzusi qolib, boshqa ish mavzulariga chuqurlashib (o'tlab) ketishga moyil. Shunday holat uchun aniq agenda bo'lishi, o'tlash alomati ko'ringanda meeting owner haloyiqga uchrashuv maqsadini eslatib turishi maqsadga muvofiq bo'ladi.

Bu skillni shakllantirish qiyin emas, lekin ba'zida uni ishlatish ortiqcha deb tuyulishi mumkin. AI-zamonidagi lifehack - Gemini Notes. Men deyarli hamma uchrashuvlarni Google Meets orqali o'tkazaman, undagi AI-note-taker juda qulay tool. Afsuski, faqat ingliz tilida ishlaydi, shuning uchun ingliz tiliga switch qilish majburiy. Yana bir kamchilik tomoni - Google Calendar event yaratganda by default Gemini Notes yoqish degan joyi yo'q, har safar meeting boshida qo'lda yoqish kerak.

Oldinlar videokurs ko'rib dars qilganimda ham ruchka bilan daftarda note taking qilib o'rganardim. Shunchaki dars eshitganda faqat ko'z-quloq bilan o'rgansa, qo'lda yozib physically, muscle-memory orqali ham eslab qolinadi (imho).

@yusufblogs

Fight, flight or freeze

Muhim suhbat yoki imtihondan oldin qotib qolish, ma'lumotni qabul qila olmaslik, eslab qola olmaslik holatiga tushganmisiz? Bu ur, qoch yoki qot reaksiyasi deb ataladi. Odamzot va hayvonlar tahdidga (masalan, yirtqich hayvonga) duch kelganda yoki hujum qilib olishishi, yoki qochishi yoki qotib o'zini sezdirmasligi kerak. Zamonaviy hayotda ham biz uchun muhim va muvaffaqiyatsizlikdan qo'rqadigan holatlarda shu instinkt, ko'pincha qotish reaksiyasi ishga tushadi. Imtihondan yiqilsam hayotim barbod bo'ladi, suhbatdan o'tolmasam boshqa bunday imkoniyat topmayman degan qo'rquv miyani muzlatib qo'yadi. Shuning uchun tayyorlanish paytida miya oddiy mavzularni ham tushunish va eslab qolishda qiynaladi. Vaqt qancha kam qolgan bo'lsa, tushunish shuncha qiyinroq.

Urish – bu savolga nisbatan agressiya. Interviewer bilan bahslashish, javob o'rniga o'zini oqlashga harakat qilish, savol noto'g'ri ekanini isbotlashga urunish va hokazo. Shaxsan o'zimda ko'proq tez va baland gapirish ko'rinishida bo'ladi, xuddi tezroq aytib olmasam unutadigandek. Jismoniya alomatlari – terlash, qizib ketish, jag' va yelka qotib qolishi.

Qochish ham ajoyib. Suhbat vaqtini ko'chirish yoki bekor qilish, tayyorlanishni ortga surish (universitetdagi har bir kurs ishi). Lekin bu eng befoyda reaksiya bo'lsa kerak, chunki qochib baribir qutulib bo'lmaydi.

Bu reaksiyalar bilan har xil kurashish mumkin. Menga yoqadigani – hodisani qayta baholash. Agar suhbatdan o'tmasam, imtihondan yiqilsam hayotim tugaydimi Undan keyingi qadamlarim nima bo'ladi? Tahlikaga solayotgan muvaffaqiyatsizlik shunchalik qo'rqinchlimi aslida? Xato qilsam ham dars bo'ladi, keyingi safar uchun foyda degan xulosani o'zlashtirish kerak. 5-10 daqiqa shu mavzuda tafakkur qilinsa va aslida bu holat unchalik qo'rqinchli emasligi tushunilgach, aql bilan harakat qilish osonlashadi.

Startap asoschisi rolida ham bu reaksiyalar bor.

@yusufblogs

Iskandar aka Anvarov bilan bo'lgan suhbatimizni YouTubega 5 kun oldin YouTubega yuklagan edim, "organic" qancha ko'rilar ekan deb, menimcha YouTubeda doimiy kuzatadiganlar ko'rib bo'lishdi. Ko'rmay yoki eshitmay qolganlar bo'lsa marhamat, suhbatni tomosha qiling. Suhbat davomida, Gollandiyadagi hayot, Amazonda ish va ijtimoiy hayot balansi va hozirgi kundagi aktual mavzu sun'iy intelekt haqida ham gaplashdik. Xullas tomosha qilamiz 👀

Qo'llab quvvatlash uchun, kanalga obuna, videoni ulashib, izoh qoldirish va like bosishingizni iltimos qilamiz 😊

P.S. Qo'llab quvvatlaganlanlardan biriga Iskandar aka shaxsan taqdim etgan kitobni topshiramiz. Shartlarini video oxirida bilib olishingiz mumkin

@khumoyun_codes

https://youtu.be/LaXUP_C360s

Bu dam olish kunlari Almatyga keldik, havo juda mo’tadil, yumshoq, chiroyli tog’lar ko’rinib turar ekan.

Bu yerga biz GDG Central Asia tashkilotchilari yig’ilishiga keldik.

Bu yerda qiziq ma’lumot bilan bo’lishishdi. Bizga oldin aytishlaricha, DevFest oxirgi yillarda MENA (Yaqin sharq va Shimoliy afrikA) regionida eng katta Dasturchilar festivali deb bilardik, hozir bizga aytishlaricha Devfest 2024-2025 BUTUN DUNYODA eng katta DevFest eventlari bo’lgan ekan.

Bu men va jamoamiz uchun juda katta sharaf, butun dunyoda O’zbekiston nomini va dasturchilar hamjamiyatini o’rnini birgalikda ko’rsatayotganimizdan juda hursandman.

@nuruddinblogs