⚡️ Эмомалӣ Раҳмон пешниҳод кард, ки тарҳи корхонаи бузурги коркарди нафт дар Осиёи Марказӣ таҳия шавад

Президенти Тоҷикистон Эмомалӣ Раҳмон зарурати таҳия ва татбиқи тарҳи сохтмони корхонаи бузурги коркарди нафтро бо истифода аз технологияҳои муосир ва бо дарназардошти ниёзҳои кишварҳои Осиёи Марказӣ таъкид кард. Ба гуфтаи ӯ, ин пешниҳод қаблан низ ироа шуда буд.

Эмомалӣ Раҳмон имрӯз, 8 октябр, зимни Вохӯрии сарони давлатҳои Осиёи Марказӣ ва Озарбойҷон дар шаҳри Авазаи Туркманистон ба зарурати густариши ҳамкориҳо дар соҳаи энергетика таваҷҷуҳ кард.

Ӯ ҳамчунин пешниҳод намуд, ки рӯйхати тарҳҳои афзалиятноки энергетикӣ таҳия шуда, роҳҳои имконпазири маблағгузории муштараки татбиқи онҳо муайян карда шаванд.

Тибқи иттилои расмӣ, дар суханронии худ Эмомалӣ Раҳмон ба рушди ҳамкориҳои кишварҳои Осиёи Марказӣ ва Озарбойҷон дар самтҳои нақлиёт, тағйирёбии иқлим, технологияҳои нав ва зеҳни сунъӣ низ таваҷҷуҳ зоҳир кардааст.

📲 Your.tj дар ➡️ Telegram / Facebook / Instagram / TikTok / Threads